کیوی کپتان کین ولیمسن کی پاکستان کے خلاف میچ میں شرکت فٹنس ٹیسٹ سے مشروط کر دی گئی ہے۔
کین ولیمسن آج پریکٹس سیشن کے دوران فٹنس ٹیسٹ دیں گے جس کے بعد ان کی پاکستان کے خلاف میچ میں شرکت کا فیصلہ کیاجائے گا۔
نیوزی لینڈ کےجمی نیشم اور مارک چیپمین کی شرکت بھی فٹنس ٹیسٹ سے مشروط ہے جب کہ لوکی فرگوسن کی فٹنس کا بھی میچ سے قبل جائزہ لیا جائے گا۔
واضح رہے کہ ورلڈکپ میں شریک نیوزی لینڈ کی ٹیم کے متعدد پلیئرز انجرڈ ہوگئے ہیں جس کی وجہ سے ورلڈ کپ میں کیوی ٹیم کو سخت مشکلات کا سامنا ہے۔
واضح رہے کہ نیوزی لینڈ کی ٹیم کو رواں ورلڈ کپ میں اپنے آخری 03 میچز سے مسلسل شکست کا سامنا ہے۔ نیوزی لینڈ کو بھارت، آسٹریلیا اور جنوبی افریقہ سے شکست ہوئی ہے۔
