یکم نومبر 2023 کی صبح اداکارہ منال خان اور اداکاراحسن محسن اکرام کے ہاں پہلے بیٹے ’حسن اکرم‘ کی پیدائش ہوئی، یہ خوشخبری اُنہوں نے سوشل میڈیا کے ذریعے اپنے مداحوں کو سُنائی۔
View this post on Instagram
اب منال خان کی جڑواں بہن ایمن خان نے حسن اکرام کی پہلی جھلک مداحوں کو دکھا دی ہے۔ شوبز انڈسٹری کی معروف جوڑی منال خان اور احسن محسن اکرام کے بیٹے کی پہلی تصویر سوشل میڈیا پر وائرل ہوگئی۔
ایمن خان نے اپنے آفیشل انسٹاگرام اکاوؤنٹ پر اپنی والدہ اور بیٹی امل منیب کے ہمراہ چند تصاویر پوسٹ کیں جن میں اُنہوں نے منال خان کے بیٹے کو گود میں لیا ہوا ہے اور ساتھ ہی چند غبارے بھی پکڑے ہوئے ہیں۔
View this post on Instagram
انہوں نے تصاویر کے ساتھ کیپشن میں لکھا کہ ’اللہ بہت مہربان ہے، اللہ نے ہمیں خوبصورت بیٹے کی نعمت سے نوازا ہے‘۔
وائرل تصاویر یر مداحوں اور ساتھی فنکاروں نے منال، احسن محسن کو مبارکباد پیش کی اور ننھے مہمان کیلئے نیک خواہشات کا اظہار کیا۔
یاد رہے کہ احسن محسن اور منال خان ستمبر 2021 میں شادی کے بندھن میں بندھے تھے، اس جوڑے نے پہلے اگست 2023 میں اپنے گھر ننھے مہمان کی متوقع آمد کے حوالے سے پوسٹ کر کے مداحوں کو خوش خبری سنائی تھی۔
