بھارت میں جاری آئی سی سی مینز کرکٹ ورلڈ کپ کے سپر فور مرحلے تک رسائی کے لیے سب سے اہم میچ آج پاکستان اور نیوزی لینڈ کے مابین بھارت بنگلورو میں کھیلا جائے گا۔
آئی سی سی ورلڈکپ میں پاکستان اور نیوزی لینڈ کے درمیان اہم معرکے سے قبل محکمہ موسمیات نے بارش کی پیشگوئی کردی۔ محکمہ موسمیات کے حکام کا کہنا ہے کہ بنگلورو میں ہفتے کے روز دوپہر کے اوقات میں بارش کے 70 سے 80 فیصد امکانات ہیں۔
آج کا اہم ترین میچ اگر بارش کی نظر ہو گیا تو پاکستان اور نیوزی لینڈ کی ٹیموں کو ایک ایک پوائنٹ ملے گا اور پاکستان کے پوائنٹس ٹیبل پر 07 پوائنٹس جبکہ نیوزی لینڈ کے 09 پوائنٹس ہو جائیں گے۔
اس صورتحال میں کیا ہو گا؟
اگر نیوزی لینڈ کی ٹیم سری لنکا سے ہار جاتی ہے تو پوائنٹس ٹیبل پر 09 جبکہ جیت کی صورت میں 11 پوائنٹس کے ساتھ گروپ اسٹیج کا اختتام کرے گی۔
اگر پاکستانی ٹیم انگلینڈ سے جیت جاتی ہے تو 09 پوائنٹس کے ساتھ گروپ اسٹیج کا اختتام کرے گی۔
افغانستان کی ٹیم اگر آسٹریلیا اور جنوبی افریقہ کے خلاف میچز جیت جاتی ہے تو پوائنٹس ٹیبل پر 12 پوائنٹس کے ساتھ گروپ اسٹیج کا اختتام کرے گی اور اپنی تاریخ میں پہلی بار آئی سی سی ورلڈ کپ کا سیمی فائنل کھیلے گی۔
