کورونا کے وار جاری۔گزشتہ 24 گھنٹوں میں 36 مریض رپورٹ۔ ایک دن میں 4 ہزار سے زائد ٹیسٹ کیے گئے۔مثبت کیسز کی شرح اعشاریہ 72 فیصد رہی۔12 مریضوں کی حالت تشویشناک ہے۔
ملک بھر میں کورونا ایک بار پھر سر اٹھانے لگا۔قومی ادارہ صحت حکام کا کہنا ہے گزشتہ روز ملک بھر میں کورونا کے 4 ہزار 982 ٹیسٹ کئے گئے۔جن میں سے 36مریض رپورٹ ہوئے ہیں۔گزشتہ 24 گھنٹوں میں مثبت کیسز کی شرح اعشاریہ 72فیصد رہی۔
این آئی ایچ حکام کے مطابق اسلام آباد میں 24 گھنٹوں کے کورونا کے 197ٹیسٹ ۔ لاہور میں 1156 جب کہ کراچی میں کورونا کے 428 ٹیسٹ کیے گئے ہیں۔
گزشتہ 24 گھنٹوں میں اسلام آباد میں کورونا کے 2مریض ۔ لاہور میں 20 جبکہ کراچی میں 6 مریض رپورٹ ہوئے ہیں۔ ملک بھر میں 12 مریضوں کی حالت تشویشناک بتائی جاتی ہے۔
قومی ادارہ صحت کا مزید کہنا تھا اسلام آباد میں کورونا وائرس کے مثبت کیسز کی شرح 1 اعشاریہ 02 فیصد۔ لاہور میں 1 اعشاریہ 73 فیصد اور کراچی میں شرح 1 اعشاریہ 40 فیصد ریکارڈ کی گئی ہے۔
