آئی سی سی مینز ورلڈ کپ 2023 کا 42 واں میچ آج جنوبی افریقہ اور افغانستان کی ٹیموں کے مابین کھیلا جائے گا۔ یہ میچ دونوں ٹیموں کی سپر فور مرحلے تک رسائی کے لیے انتہائی اہم ہے۔
آئی سی سی کرکٹ ورلڈ کپ کے 39ویں میچ میں گلین میکسویل نے ناقابلِ شکست ڈبل سنچری بنا کر افغانستان کے منہ سے جیت چھین لی تھی اور سیمی فائنل کے لیے بھی کوالیفائی کرلیا تھا، جبکہ گزشتہ روز ورلڈکپ کے اہم میچ میں نیوزی لینڈ نے سری لنکا کو شکست دے کرپاکستان کی تمام امیدوں پر پانی پھیر دیا تھا۔
پاکستان کی شکست اور سیمی فائنل سے تقریباً باہر ہونے کے بعد افغان کھلاڑی اس پر خوشی منا رہے ہیں۔ افغان فاسٹ بولر نوین الحق نے سوشل میڈیا پر پوسٹ میں لکھا کہ فٹ ورک، نو فٹ ورک لیکن پروگرام ابھی سے وڑ گیا؟
نوین الحق کی اس پوسٹ کو افغان اوپننگ بیٹر رحمان اللہ گرباز نے اپنے انسٹا گرام پر شیئر کیا جن کوپاکستان کے کپتان بابراعظم نے شاندار کارکردگی پر اپنا بیٹ رحمان اللہ گرباز کو تحفے میں دیا تھا۔ جس پر انہوں نے بابر اعظم کا شکریہ بھی ادا کیا تھا۔
سپورٹس جرنلسٹ فرید خان نے اس پر تبصرہ کرتے ہوئے لکھا کہ ’اچھا صلہ دیا تو نے ہمارے پیار کا‘۔
Acha sila diya tu nay humaray pyaar ka 👏🏽👏🏽 #CWC23 @RGurbaz_21 @babarazam258 pic.twitter.com/EpCGkoVUs5
— Farid Khan (@_FaridKhan) November 9, 2023
بابر اعظم کی جانب سے بیٹ تحفے میں دینے پر رحمان اللہ گر باز نے سوشل میڈیا پر اپنے پیغام میں لکھا تھا کہ زبردست کھلاڑی اور شخصیت کی جانب سے یہ بہترین تحفہ ہے، بابر اعظم ایک شائستہ شخصیت کے مالک ہیں، ساتھ ہی انہوں نے لکھا تھا کہ آپ مضبوط رہیں اور چمکتے رہیں۔
Wonderful gift 🏏 by a wonderful player and human being. Truly gentleman @babarazam258 . Chin up, stay strong and keep shining ❤️🫡 pic.twitter.com/2CoiEEblSZ
— Rahmanullah Gurbaz (@RGurbaz_21) October 25, 2023
واضح رہے کہ افغانستان نے پاکستان کو 8 وکٹوں سے شکست دے دی تھی، افغانستان نے 283 رنز کا ہدف 2 وکٹوں کے نقصان پر باآسانی پورا کرلیا تھا۔ جبکہ آسٹریلیا کے ہاتھوں افغانستان کو شکست ہوئی تھی۔ میکسویل نے 128 گیندوں پر 10 چھکوں اور 21 چوکوں کی مدد سے ناقابل شکست 201 رنز بنائے اور افغانستان کی جیت کا خواب چکنا چور کر دیا تھا۔
