قوالی کے میدان میں بے پناہ شہرت حاصل کرنے والے قوال بدر میانداد کو مداحوں سے بچھڑے 16 برس بیت گئے۔
بدر میانداد دل کی بیماری اور اعصابی امراض میں مبتلا ہونے کی وجہ سے 2 مارچ 2007 کو صرف 45 سال برس کی عمر میں انتقال کر گئے تھے۔
ریڈیو پاکستان ملتان سے اپنی گائیکی کا آغاز کرنے والے قوال بدر میانداد 17 فروری1962 کو پاکپتن میں پیدا ہوئے ۔ ان کا گھرانہ کئی سالوں سے فن موسیقی سے وابستہ تھا۔
بدر میانداد کے 150 سے زائد البمز کو دنیا کے مختلف ممالک میں ریلیز کیا گیا تھا جن میں برطانیہ، کینیڈا، امریکہ، بھارت اور یورپ شامل ہے۔
ان کی مشہور قوالیوں میں جشن آمد رسول، حسن والوں خدا کے لیے چھوڑ دو ،عاشقوں کو جلانا بری بات ہے بھی شامل ہیں۔
