چاہت فتح علی خان اپنے ہی انداز میں گانوں کے ری میکس بنانے کے حوالے سے سوشل میڈیا پرخاصے مشہور ہیں۔
وہ کئی شوز میں آکر انٹرویو بھی دے چکے ہیں اور یہاں تک کہ انہوں نے الیکشن میں حصہ لینے کی کوشش بھی کی۔
یہ بھی پڑھیں: ’کب آرہے ہیں آپ جپھی تو لگا سکیں ہم‘، امریکن گلوکار کی چاہت فتح علی خان کے ساتھ ویڈیو چیٹ وائرل
چاہت فتح علی خان کو بھارت کی مشہور شخصیات کی جانب سے بھی کافی ردعمل ملا ہے۔ بہت سے پاکستانیوں نے شفقت امانت علی اور بشریٰ انصاری جیسے ان کے ری میک کے انداز پر تنقید کی ہے جبکہ بھارت کے کرن جوہر اور کرن اوجلا نے ان کے ’ٹیلنٹ‘ کی ’تعریف‘ کی ہے۔
اپنے حالیہ انٹریو میں چاہت فتح علی خان نے کہا کہ پتا نہیں پاکستانی گلوکار اور اینکرز ان سے کیوں جلتے اور انہیں نیچا دکھاتے ہیں جب کہ ہندوستانی مشہور شخصیات نے ان کی صلاحیتوں کو سراہا ہے۔
مزید پڑھیے: ’آپ گانے سے کب توبہ کریں گے‘، چاہت فتح علی خان کے نئے گانے ’توبہ توبہ‘ پر دلچسپ تبصرے
چاہت فتح علی خان نے کہا کہ انہوں نے 48 ٹریکس ریلیز کردیے ہیں اور 5 پر ابھی کام جاری ہے۔ انہوں نے مزید کہا کہ پاکستانی موسیقار اور گلوکاروں کو چاہیے کہ وہ بھی محنت کریں حسد نہ کریں۔
