چیئرمین پی ٹی آئی بیرسٹر گوہرخان نے کہا ہے کہ سپریم کورٹ ہی بتا سکتی ہے انہیں کیوں لگا ہم جمہوریت کو ڈی ریل کرنا چاہتے ہیں۔ ہم تو سپریم کورٹ میں بیٹھے رہتے ہیں کہ جمہوریت کو ڈی ریل ہونے سے بچایا جائے۔ ان شاء اللہ سپریم کورٹ جمہوریت کو بچائے گی۔
بیرسٹر گوہرخان کا اڈیالہ جیل راولپنڈی کے باہر میڈیا سے گفتگو میں کہنا تھا کہ گزشتہ روز سپریم کورٹ میں ہمارا کوئی وکیل پیش نہیں ہوا یہ سپریم کورٹ کا طریقہ کار ہے۔ ہم تو کسی صورت الیکشن میں تاخیر نہیں چاہتے، ہماری استدعا رہی ہے کہ فری اینڈ فیئر الیکشن ہوں۔
مزید پڑھیں
ان کا کہنا تھا کہ فری اینڈ فیئر الیکشنز کے لیے آر اوز کا ہونا شفاف الیکشن کی عکاسی نہیں کرتا، ہماری پٹیشن میں درخواست تھی کہ ریٹرننگ افسران کو عدلیہ سے لیا جائے۔
گوہر خان نے مزید کہا کہ بوگس کیسز کے ذریعے جسمانی ریمانڈ لینے کی کوشش کی جارہی ہے، بیرسٹر یہ سب کچھ سیاسی انتقام کے لیے کیا جارہا ہے جیل ٹرائل ہوہی نہیں سکتا، ایسے ٹرائل بنیادی انسانی حقوق کی خلاف ورزی ہیں۔
