کاغذات نامزدگی جمع کروانے کا سلسلہ کل سے شروع ہوگا۔ عام انتخابات میں حصہ لینے کے خواہشمند امیدوار 20 دسمبر سے 22 دسمبر تک اپنے کاغذات نامزدگی جمع کروا سکیں گے۔ قومی اسمبلی کی فیس 30 ہزار اور صوبائی اسمبلی کی 20 ہزار روپے ہے۔ ابتدائی فہرست 23 دسمبر کو جاری کی جائے گی۔
الیکشن کمیشن آف پاکستان نے کاغذات نامزدگی کے لیے ضروری ہدایات جاری کردیں۔ 8 فروری کو شیڈول عام انتخابات کے لیے کاغذات نامزدگی جمع کروانے کا سلسلہ کل سے شروع ہوگا۔ الیکشن کمیشن کے مطابق ایک امیدوار مختلف تجویز کنندگان کے ساتھ زیادہ سے زیادہ 5 کاغذات نامزدگی جمع کرا سکتا ہے۔
کاغذاتِ نامزدگی متعلقہ ریٹرننگ افسر کے دفاتر میں 20 سے 22 دسمبر تک جمع کروائے جا سکتے ہیں۔ قومی اسمبلی کی فیس 30 ہزار جبکہ صوبائی اسمبلی کی 20 ہزار روپے ہے۔ الیکشن کمیشن کا کہنا ہے کہ امیدوار کے لیے پاکستان کا شہری ہونا ضروری ہے۔
مزید پڑھیں
کاغذات نامزدگی جمع کرواتے وقت امیدوار کی عمر 25 سال سے کم نہ ہو۔ قومی اسمبلی کی نشست کے لیے امیدوار پاکستان میں کسی بھی
جگہ کا ووٹر ہو سکتا ہے جبکہ صوبائی اسمبلی کی نشست کے لیے امیدوار کا متعلقہ صوبے کا ہونا ضروری ہے۔ قومی اسمبلی کے لیے خواتین کی مخصوص نشستوں کے لیے بھی امیدوار کا متعلقہ صوبے کا ووٹر ہونا لازمی ہے۔
الیکشن کمیشن کی جانب سے امیدواروں کی ابتدائی فہرست 23 دسمبر کو آویزاں کی جائے گی۔ جانچ پڑتال 24 سے 30 دسمبر، منظور یا مسترد ہونے کیخلاف اپیلیں 3 جنوری کو دائر کی جا سکیں گی۔
اپیلٹ ٹربیونل کی جانب سے فیصلے 10 جنوری تک کیے جائیں گے۔ نظر ثانی شدہ فہرست 11 جنوری کو جاری ہوگی جب کہ 12 جنوری کو کاغذات نامزدگی واپس لیے جا سکیں گے۔ انتخابی نشانات کی الاٹمنٹ 13 جنوری کو ہوگی۔
