پاکستان مسلم لیگ ن کے پارلیمانی بورڈ کے اجلاس میں ٹکٹوں کے حصول کے معاملے میں باپ بیٹوں میں کچھ اختلافات دیکھنے میں آئے تاہم پارٹی قائد میاں محمد نواز شریف نے ان میں صلح کرادی۔
فیصل آباد سے لیگی رہنما میاں فاروق کے 2 بیٹوں میاں معظم اور میاں قاسم کی صلح کراتے وقت میاں نواز شریف نےاجلاس میں قرآنی آیات کا بھی حوالہ دیا اور میاں معظم کو اپنے والد میاں فاروق اور میاں قاسم سے معافی مانگنے کی ہدایت کی۔
نواز شریف کی ہدایت پر عمل کرتے ہوئے میاں فاروق کے بیٹے میاں معظم نے والد اور بھائی دونوں سے معذرت کرلی۔
یاد رہے کہ میاں فاروق کے بیٹے میاں معظم نے والد کی مرضی کے برخلاف پارٹی ٹکٹ کے لیے درخواست دی تھی۔
