عراقی نژاد امریکی ماڈل اور میک اپ برانڈ ھدیٰ بیوٹی کی بانی ھدیٰ قطان نے دھمکیوں کے باوجود فلسطینی عوام کی حمایت جاری رکھنے کا اعلان کیا ہے۔
40 سالہ عراقی نژاد امریکی ماڈل غزہ میں اسرائیل کے مظالم کے خلاف سوشل میڈٰیا پر بھرپور آواز بلند کررہی ہیں۔ انسٹاگرام اسٹوری میں ھدیٰ قطان نے کہا کہ انہوں نے غزہ کی پٹی پر اسرائیل کے حملے کے خلاف بول کر کچھ غلط نہیں کیا۔ انہوں نے کہا کہ ’مجھے ڈرایا نہیں جاسکتا۔‘
ھدیٰ قطان نے کہا کہ ’ ‘ہم کچھ کھونے سے نہیں ڈر سکتے، ہمیں اس عمل پر بھروسہ کرنا ہوگا کہ اگر ہم کچھ کھو دیتے ہیں تو کچھ اور ہمارے پاس صحیح طریقے سے آئے گا، کیونکہ ہم اچھا کام کر رہے ہیں، اور میں اس پر پورے دل سے یقین رکھتی ہوں۔‘
View this post on Instagram
ھدیٰ قطان کا فلسطینیوں کی حمایت میں غیر متزلزل مؤقف
دھمکیوں اور اپنے بیوٹی مصنوعات کے کاروبار میں نقصان کے خدشات کے باوجود امریکی ماڈل ھدیٰ قطان فلسطینیوں کی حمایت میں غیرمتزلزل نظر آرہی ہیں، انہوں نے سختی کے ساتھ یہود دشمن ہونے کی تردید کی اور معصوم فلسطینی عوام کے مصائب پر اپنی توجہ مرکوز کرنے پر زور دیا۔ قطان نے اسرائیلی حکومت پر مذہب اور لوگوں کو انسانی ڈھال کے طور پر استعمال کرنے کا الزام عائد کیا ہے۔
View this post on Instagram
یہ پہلا موقع نہیں ہے جب قطان کو اپنے فلسطین کی حمایت میں موقف کی وجہ سے دھمکیوں کا سامنا کرنا پڑا ہو۔ اکتوبر میں ایک اسرائیلی پرستار نے اس پر الزام لگایا کہ وہ غزہ کے اسرائیلی صارفین پر احسان کر رہی ہے، جس پر قطان نے جواب دیا، ‘مجھے خون کا پیسہ نہیں چاہیے۔’ اس واقعے کے نتیجے میں سیفورا پر زور دیا گیا کہ وہ اپنے امریکی اسٹورز سے ھدیٰ بیوٹی مصنوعات ہٹائے۔
وقتا فوقتاً ھدیٰ قطان انسٹا گرام پر فلسطینیوں کے حق میں اپنے جذبات کا اظہار کرتی رہتی ہیں، انہوں نے انسٹاگرام اسٹوری میں اپنے مداحوں کو فلسطین کے جھنڈے کے واٹرمارکس لگانے کو کہا تھا جس پر ان کے سینکڑوں مداحوں نے انسٹاگرام پر فلسطین کے جھنڈے لگائے تھے۔ جس پر انہوں نے اپنے مداحوں کا شکریہ بھی ادا کیا تھا۔
View this post on Instagram
واضح رہے کہ عراقی نژاد امریکی ماڈل ھدیٰ قطان کے میک اپ کے کاروبار کی مالیت امریکا میں 1.2 بلین ڈالر ہے، انسٹاگرام پر ان کی فالوورز 54 ملین ہیں۔
