بھارت اور جنوبی افریقہ کے درمیان کھیلی جانے والی 3 ایک روزہ سیریز کے تیسرے میچ میں بھارت نے جنوبی افریقہ کو 78 رنز سے شکست دے کر سیریز اپنے نام کر لی۔
جنوبی افریقہ کے شہر بولینڈ پارک کے پارل کرکٹ اسٹیڈیم میں کھیلے گئے سیریز کے آخری میچ میں میزبان جنوبی افریقہ نے ٹاس جیت کر بھارت کو پہلے بیٹنگ کی دعوت دی۔
بھارتی ٹیم نے پہلے بیٹنگ کرتے ہوئے مقررہ 50 اوورز میں 8 وکٹوں کے ںقصان پر 296 رنز بنائے۔
بھارت کی جانب سے سنجو سیمسن نے شاندار سینچری اسکور کی۔ انہوں نے مجموعی طور پر 114 گیندوں پر 108 رنز بنائے، ان کی اننگز میں 6 چوکے اور 3 چھکے شامل تھے۔
ہدف کے تعاقب میں جنوبی افریقہ کی پوری ٹیم 45.5 اوورز میں 218 رنز بنا کر آؤٹ ہو گئی۔ بھارت کی جانب سے ارشدیپ سنگھ نے 4 وکٹیں حاصل کیں اس طرح بھارت نے 3 میچوں کی سیریز 1۔2 سے اپنے نام کر لی۔
