بلوچ یکجہتی کونسل کے زیراہتمام اسلام آباد میں مطالبات کے حق میں دھرنا جاری ہے۔
سپریم کورٹ بار ایسوسی ایشن اور پاکستان بار کونسل کے وفد نے دھرنے کے شرکا سے ملاقات کی ہے اور قانونی معاونت کا یقین دلایا ہے۔
سپریم کورٹ بار ایسوسی ایشن کے صدر شہزاد شوکت ساتھیوں سمیت دھرنے میں پہنچے، ان کے ہمراہ پاکستان بار کونسل ایگزیکٹو کمیٹی کے چیئرمین حسن رضا پاشا بھی موجود تھے۔
اس موقع پر حسن رضا پاشا نے کہاکہ پاکستان بار کونسل اور سپریم کورٹ بار ایسوسی مظاہرین کے رہائی کے لیے وکلا کا پینل تشکیل دے گی۔
مزید پڑھیں
صدر سپریم کورٹ بارایسوسی ایشن شہزاد شوکت نے کہاکہ اسلام آباد داخلے کے وقت بلوچ لاپتا افراد کے اہل خانہ پر تشدد کی مذمت کرنے آئے ہیں، مظاہرے میں شرکت کے لیے آنے والے تمام افراد کو رہا کروانا بار ایسوسی ایشن کی ذمے داری ہے۔
مظاہرین نے پاکستان بار کونسل اور سپریم کورٹ بار ایسوسی کے وفود کو خاندانوں کی تکالیف سے آگاہ کیا۔
حسن رضا پاشا نے مزید کہاکہ پاکستان بار کونسل اور سپریم کورٹ بار ایسوسی ایشن کی کوشش ہوگی کہ یہ معاملہ سپریم کورٹ سے حل ہو۔
