قومی کرکٹ ٹیم کے سابق فاسٹ باؤلر شعیب اختر نے اپنی والدہ کے حوالے سے انکشاف کرتے ہوئے کہا ہے کہ وہ بہت تیز دوڑتی تھیں اور اسی وجہ سے میں بھی فاسٹ باؤلر بنا۔ چونکہ جینز کی وجہ سے انسان ہمیشہ اپنی والدہ جیساہی ہوتا ہے۔
ایک ٹی وی پروگرام میں گفتگو کرتے ہوئے شعیب اختر کاکہنا تھا کہ لوگ مجھے کہتے ہیں تیرا بیٹا توکرکٹر ہی بنے گا تو میں نے کہا بھئی یہ تو اپنی ماں جیسا ہی بنے گا۔
شعیب اختر نے گفتگو کرتے ہوئے مزید کہا کہ مجھے میری والدہ نے بتایا کہ ان کو بارش میں تیز بھاگنا بہت پسند تھا اور پہاڑوں سے ہاتھ کھول کردوڑتی تھیں جیسے اڑنے لگی ہیں۔
شعیب اختر کا کہنا تھا کہ میری والدہ میں بہت ہمت اور برداشت تھی اورکسی بھی مشکل میں وہ برداشت اور حوصلے سے کام لیتی تھیں۔
