پاکستان مسلم لیگ ن کے قائد نوازشریف سے برطانوی ہائی کمشنر جین میریٹ نے ملاقات کی ہے۔
مسلم لیگ ن کے میڈیا سیل کے مطابق ملاقات میں سابق وزیراعظم اور پاکستان مسلم لیگ (ن) کے صدر شہباز شریف، سینیئر نائب صدر اور چیف آرگنائزر مریم نواز شریف بھی موجود تھیں۔
ملاقات میں باہمی دلچسپی کے امور پر تبادلہ خیال کیا گیا۔
https://twitter.com/pmln_org/status/1744369040661807232
پاک برطانیہ مضبوط تعلقات دونوں ملکوں کے مفاد میں ہیں، نوازشریف
اس موقع پر نوازشریف نے کہاکہ پاکستان اور برطانیہ کے درمیان مضبوط تعلقات دونوں ممالک کے مفاد میں ہیں، برطانیہ میں مقیم پاکستانی دونوں ممالک کی دوستی کو مزید مضبوط بنانے میں اہم کردار ادا کر رہے ہیں۔
انہوں نے کہاکہ پاکستان اور برطانیہ کے درمیان تجارت، سرمایہ کاری سمیت مختلف شعبوں میں تعلقات کا فروغ وقت کی ضرورت ہے۔
برطانوی ہائی کمشنر نے کراچی، لاہور اور اسلام آباد میں مختلف سیاسی جماعتوں سے اپنی ملاقاتوں کے حوالے سے نوازشریف کو آگاہ کیا۔
اس موقع پر برطانوی ہائی کمشنر نے کہاکہ 8 فروری کو اجتماعیت کے حامل انتخابات کا انعقاد پاکستان کے مستقبل کے لیے اہم ہے۔
برطانوی ہائی کمشنر نے مختلف مقدمات سے بریت پر مسلم لیگ (ن) کے قائد نوازشریف کو مبارک دی۔
