بھارتی کرکٹر روی ایشون نے سابق پاکستانی لیجنڈ جاوید میانداد کی تعریفوں کے پُل باندھ دیے۔
سماجی رابطے کی ویب سائٹ انسٹاگرام پر ایک صارف نے روی ایشون کو ٹیگ کرتے ہوئے لکھا کہ جاوید میانداد اسپن کھیلنے کے ماہر تھے، آج کے بیٹرز میں ان کی آدھی مہارت بھی نہیں ہے۔
جس پر بھارتی آف اسپنر روی ایشون نے جواب دیتے ہوئے اعتراف کیا کہ میں آپ کے نقطہ نظر سے بالکل متفق ہوں، وہ ایک شاندار کرکٹر تھے تاہم اس دور میں اس چیز جو مشکل کا سبب بنتی ہے وہ (ڈی آر ایس) ہے لیکن میں سمجھتا ہوں وہ بولر کےخلاف یہ جنگ جیت جاتے۔
Ravichandran Ashwin recently shared his thoughts on how player battles would unfold if Pakistan’s great Javed Miandad faced off against him. pic.twitter.com/C3gxiBeZP6
— CricTracker (@Cricketracker) January 9, 2024
واضح رہے کہ جاوید میانداد کا بھارت کے خلاف ون ڈے میچوں میں شاندار ریکارڈ ہے، انہوں نے روایتی حریف کےخلاف 35 مقابلے کھیلے جس میں 1 ہزار 175 رنز بنائے۔ عظیم کرکٹر کی اوسط بھارت کیخلاف 51.08 جبکہ اسٹرائیک ریٹ 72.44 کا تھا، جس میں 6 نصف سنچریاں اور 3 سنچریاں شامل تھیں۔
