الیکشن 2024 میں جمعیت علما اسلام نظریاتی کے صوبائی اسمبلی کے امیدوار قاری مہراللہ پر نامعلوم افراد نے قاتلانہ حملہ کیا ہے، خاندانی ذرائع کے مطابق قاری مہر اللہ کے گھر کے قریب ہی نامعلوم افراد نے حملہ کیا لیکن وہ محفوظ رہے۔ تاہم، سیکیورٹی اداروں کی جانب سے حملہ آور کی شناخت کی جا رہی ہے۔
قاری مہر اللہ بلوچستان اسمبلی کے حلقہ پی بی 45 سے انتخاب لڑ رہے ہیں اور جمیعت علما اسلام نظریاتی کے کوئٹہ کے امیر بھی ہیں۔
قاری مہراللہ کے خاندانی ذرائع نے تصدیق کی ہے کہ قاری مہراللہ کو نماز فجر کے بعد مسجد سے گھر آتے ہوئے نامعلوم افراد نے نشانہ بنایا تاہم وہ حملے میں محفوظ رہے۔
پولیس نے واقع کی تحقیقات شروع کر دی ہے، جبکہ اس سے قبل پولیس نے واقعہ سے متعلق لاعلمی کا اظہار کیا تھا۔
پولیس کے مطابق واقعے کی اطلاع ملنے پر ٹیمیں جائے وقعہ پہنچیں اور جائزہ لینے کے بعد تحقیقات کا آغاز کیا اور جلد از جلد ملوث ارکان کو گرفتار کرنے کی کوششیں شروع کردی ہیں۔
