فیصل آباد میں مسلم لیگ ن کے امیدوار نے پارٹی قیادت کے احکامات کی خلاف ورزی کرتے ہوئے اصلی شیر کے ساتھ انتخابی ریلی نکالی ہے۔
فیصل آباد کے علاقے ڈجکوٹ سے مسلم لیگ ن کے امیدوار خالد پرویز گل انتخابی مہم کے دوران اصلی شیر انتخابی ریلی میں لے آئے۔
لیگی امیدوار نے شیر کو پنجرے میں بند کر رکھا تھا، انہوں نے حلقہ پی پی 107 کے مختلف علاقوں کا چکر لگایا، اس موقع پر شیر کو گاڑی پر پنجرے میں ساتھ رکھا گیا۔
لوگوں نے پنجرے میں بند اصلی شیر کو دیکھا تو سیلیفاں بنانے کے لیے نکل آئے۔
یہ بھی پڑھیں اصلی شیر ریلی میں لانے پر نواز شریف کارکنان سے ناراض
یاد رہے کہ اس سے قبل ایک انتخابی ریلی میں اصلی شیر لانے پر نوازشریف نے سختی سے ہدایت کی تھی کی شیر کو واپس کیا جائے اور آئندہ ایسا کرنے سے گریز کیا جائے۔
دوسری جانب مسلم لیگ ن کی رہنما عظمیٰ بخاری نے کہا ہے کہ نوازشریف نے سیاسی ریلیوں میں اصلی شیر لانے کا نوٹس لیا ہے، ایسا کرنا ن لیگ کی پارٹی پالیسی نہیں۔
