کرکٹ کی سب سے بڑی ویب سائٹ ’کرک انفو‘ نے سابق کرکٹر و وزیر اعظم پاکستان عمران خان کی توشہ خانہ کیس میں سزا کی خبر ٹاپ اسٹوری کے طور پر لگائی۔ گزشتہ روز بھی کرک انفو نے عمران خان کی سائفرکیس میں ہونے والی سزا کو ٹاپ اسٹوری کے طور پر لگایا تھا۔
Imran Khan's conviction and sentencing in the Toshakhana reference case comes a day after he was sentenced to ten years in jail on a separate charge. Both sentences will run concurrently https://t.co/qstQDPlZYY pic.twitter.com/R1hJjBCsYJ
— ESPNcricinfo (@ESPNcricinfo) January 31, 2024
سابق فاسٹ بولر اور 1992 ورلڈ کے فاتح کپتان عمران خان کو وزیر اعظم پاکستان کے عہدے پر رہتے ہوئے توشہ خانہ سے تحائف حاصل کرنے کے کیس میں 14 سال قید بامشقت کی سزا سنائی گئی، گزشتہ روز بھی سائفر گمشدگی کیس میں عمران خان کو 10 سال قید بامشقت کی سزا سنائی گئی تھی۔ دونوں سزاؤں کی خبریں کرکٹ کی بڑی ویب سائٹ کی ٹاپ اسٹوری رہی ہیں۔
مزید پڑھیں
کرکٹ سے متعلق خبریں شائع کرنی والی ایپ کرک انفو نے دونوں مرتبہ سابق کھلاڑی عمران خان کی سزا کی خبروں کو اپنی ٹاپ اسٹوری کے طور پر پبلش کیا، اور ساتھ ہی سوشل میڈیا اکاؤنٹ ایکس پر بھی پوسٹ شیئر کی، جس پر کرکٹ شائقین نے کھل کر تبصرے کیے۔
کرک انفو نے لکھا کہ پاکستان کے سابق کپتان اور وزیراعظم عمران خان کو 14 سال قید کی سزا سنا دی گئی ہے۔ پاکستان میں توشہ خانہ ریفرنس کے نام سے جانا جانے والا کیس، ٹیکس کے مقاصد کے لیے رقم کا اعلان کیے بغیر بطور وزیر اعظم ان کی حیثیت میں دیے گئے تحائف کی فروخت سے متعلق ہے۔ ان کی اہلیہ بشریٰ بی بی کو بھی مجرم قرار دے کر 14 سال قید کی سزا سنائی گئی ہے۔
کرک انفو نے لکھا کہ سزا کے بعد عمران یا ان کے وکلاء کی جانب سے فوری طور پر کوئی بیان سامنے نہیں آیا، جبکہ توقع کی جارہی ہے کہ وہ اس فیصلے کے خلاف اعلیٰ عدلیہ میں اپیل دائر کریں گے۔
