حکومت کی جانب سے عوامی قرض قانونی حد سے تجاوز ہونے کا اعتراف، پی ٹی آئی کا شدید ردعمل

اتوار 1 فروری 2026
icon-facebook icon-twitter icon-whatsapp

وفاقی وزارتِ خزانہ کی جانب سے پارلیمان میں جمع کرائی گئی سرکاری قرضہ جاتی پالیسی رپورٹ میں عوامی قرض کے قانونی حد سے تجاوز کرنے کے اعتراف پر پاکستان تحریک انصاف (پی ٹی آئی) نے سخت ردعمل کا اظہار کیا ہے۔

پی ٹی آئی کے مطابق وزارتِ خزانہ کی رپورٹ میں تسلیم کیا گیا ہے کہ پاکستان کا کل عوامی قرض بڑھ کر 80.5 کھرب روپے تک پہنچ چکا ہے، جو گزشتہ سال کے مقابلے میں 13 فیصد زیادہ ہے۔ رپورٹ کے مطابق عوامی قرض مجموعی قومی پیداوار کے 70.7 فیصد کے برابر ہو چکا ہے، جبکہ قانونی حد 56 فیصد مقرر ہے۔

یہ بھی پڑھیے: ہر پاکستانی پر قرضے کا بوجھ 13 فیصد بڑھ کر 3 لاکھ 33 ہزار روپے ہو گیا، وزارتِ خزانہ کا انکشاف

پی ٹی آئی کی جانب سے جاری بیان میں بتایا گیا ہے کہ اس طرح عوامی قرض قانونی حد سے 16.8 کھرب روپے یا 14.7 فیصد تجاوز کر گیا ہے، جو مالیاتی نظم و ضبط کی کھلی خلاف ورزی اور حکومت کی ناکام معاشی پالیسیوں کا ثبوت ہے۔

پی ٹی آئی کا کہنا ہے کہ رپورٹ یہ بھی ظاہر کرتی ہے کہ بڑھتے ہوئے قرضوں کے باعث وفاقی بجٹ کا تقریباً 50 فیصد حصہ صرف سود کی ادائیگی میں خرچ ہو رہا ہے، جس کے نتیجے میں تعلیم، صحت، روزگار اور ترقیاتی منصوبوں کے لیے وسائل محدود ہو چکے ہیں۔

بیان میں مزید کہا گیا کہ ٹیکس وصولی کے اہداف بھی بری طرح ناکام رہے ہیں۔ رواں مالی سال کے ابتدائی سات ماہ میں ٹیکس آمدن 7.174 کھرب روپے رہی، جو نظرثانی شدہ ہدف سے 347 ارب روپے کم ہے، جبکہ سالانہ بنیادوں پر ٹیکس آمدن میں صرف 10.5 فیصد اضافہ ہوا، جو مطلوبہ شرح سے کہیں کم ہے۔

یہ بھی پڑھیے: بی آر ٹی منصوبوں کے لیے مہنگے قرضوں کیخلاف سندھ ہائیکورٹ میں آئینی درخواست دائر

پی ٹی آئی نے الزام عائد کیا کہ یہ صورتحال فارم 47 کے نتیجے میں قائم ہونے والی غیر نمائندہ حکومت اور نااہل وزیر خزانہ کی ناکام کارکردگی کا نتیجہ ہے۔ پارٹی کے مطابق موجودہ حکومت عوام کی منتخب نمائندہ نہیں، اسی لیے اسے عوام کے مسائل، مہنگائی اور ملکی معیشت کے مستقبل سے کوئی سروکار نہیں۔

بیان کے آخر میں کہا گیا کہ حکومتی پالیسیاں صرف اقتدار کے تحفظ اور اشرافیہ کے مفادات کے گرد گھوم رہی ہیں، جبکہ عوام کو قرض، مہنگائی اور بے روزگاری کے بوجھ تلے دبایا جا رہا ہے، جو ملک کو تاریخ کے بدترین مالیاتی بحران کی جانب دھکیل رہا ہے۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

نئے صوبوں کے قیام پر حکومت اور پیپلز پارٹی میں ٹھن گئی، بلاول بھٹو کا غیر آئینی اقدامات کی مزاحمت کا اعلان، عطا تارڑ کا ریفرنڈم کے حق میں جواب

بلاول بھٹو زرداری سندھ میں17 سالہ محرومیوں کا حساب دیں، پھر ملک کو نظام چلانے کا درس دیں، سیاسی تجزیہ کار

میری شناخت پاکستانی ہے، بلوچستان کے مفاد کی بات کے لیے کسی خاص علاقے سے تعلق ضروری نہیں، حبا فواد کاکڑ

بیک وقت حکومت کے مزے لینا اور اپوزیشن کرنا کھلا تضاد ہے، عطا اللہ تارڑ کا بلاول بھٹو کی پریس کانفرنس پر ردعمل

وزیراعلیٰ پنجاب مریم نواز شریف سے اسپیکر پنجاب اسمبلی ملک محمد احمد خان کی ملاقات، ترقیاتی پروجیکٹس پر گفتگو

ویڈیو

میری شناخت پاکستانی ہے، بلوچستان کے مفاد کی بات کے لیے کسی خاص علاقے سے تعلق ضروری نہیں، حبا فواد کاکڑ

غیر آئینی اقدام کا ڈٹ کر مقابلہ کریں گے، اگر زبردستی سندھ کی تقسیم کی کوشش کی گئی تو کراچی کی سڑکوں پر خون بہے گا، بلاول بھٹو

محسن نقوی اور چوہدری سالک کے درمیان کہیں رابطہ ہوا ہے، مریم نواز پنجاب کسی کو نہیں دیں گی، عامر الیاس رانا

کالم / تجزیہ

عمران خان کا خط

بھارتی ٹیم جیت گئی، بھارتی سوچ ہار گئی

ڈیل ہو جائے گی؟