اداکارہ نے اپنے آفیشل انسٹاگرام اکاؤنٹ پر ایک ویڈیو بیان جاری کیا جس میں انہوں نے اپنی موت کی جھوٹی خبر پھیلانے پرمعافی مانگی، اداکارہ نے بتایا کہ میری موت کی خبر نے دنیا کو بتایا ہے کہ سروائیکل کینسر کیا ہے اور یہ کس طرح سے خاموشی سے زندگیاں لے جاتا ہے۔
انسٹاگرام پر پوسٹ کی گئی ویڈیو میں اداکارہ پونم پانڈے نے کہا کہ میں ان ہزاروں خواتین کے حوالے سے نہیں بول سکتی جو سروائیکل کینسر کی وجہ سے اپنی جانوں سے ہاتھ دھو بیٹھتی ہیں، وہ اس لیے نہیں مرتیں کہ وہ کچھ کر نہیں سکتیں بلکہ اس لیے جان گنوا دیتی ہیں کہ انہیں معلوم نہیں کہ بیماری کی تشخیص کے بعد کیا کرنا ہے۔
View this post on Instagram
اداکارہ نے کہا کہ میں آپ کو بتانا چاہتی ہوں کہ دوسرے کینسر کی طرح اس کینسر کا بھی علاج ہے، جس کے لیے آپ سب کو ٹیسٹ اور ویکسین کروانا ضروری ہے اور ہمیں یہ باور کروانا ہے کہ اس کی وجہ سے مزید زندگیاں ضائع نہ ہوں۔
View this post on Instagram
انہوں نے کہا کہ آئیے، ہم سب ملکر سروائیکل کینسر سے متعلق معلومات لوگوں تک پہنچاتے ہیں تاکہ زیادہ سے زیادہ شعور پیدا ہوسکے۔
واضح رہے کہ اداکارہ پونم پانڈے سروائیکل کینسر (رحم کے نچلے حصے کے کینسر) میں مبتلا تھیں اداکارہ کی موت کا اعلان ان کے انسٹاگرام اکاؤنٹ پر کیا گیا تھا۔ پونم پانڈے کی ٹیم نے اداکارہ کے آفیشل انسٹا گرام اکاؤنٹ پر مداحوں کے لیے افسوسناک خبر پوسٹ کی جس میں کہا گیا کہ آج کی صبح ہمارے لیے بہت مشکل ہے، آپ کو یہ بتاتے ہوئے بہت دکھ ہورہا ہے کہ ہم نے اپنی پیاری پونم پانڈے کو سروائیکل کینسر کی وجہ سے کھو دیا ہے۔
صارفین اداکارہ کے جھوٹی خبر پھیلانے پر سیخ پا ہوگئے اور ان کی گرفتاری کا بھی مطالبہ کیا۔
