بھارت میں جاری ورلڈ ٹیسٹ چیمپئن شپ (ڈبلیو ٹی سی) میزبان کرکٹ ٹیم اپنا چوتھا اور آخری ٹیسٹ میچ آسٹریلیا کے ساتھ کھیلے گی جبکہ سری لنکا کا مقابلہ نیوزی لینڈ سے ہوگا۔
روہت شرما کی کپتانی میں کھیلنے والی بھارتی ٹیم ڈبلیو ٹی سی کے فائنل کے لیے فیورٹ ہے اور آسٹریلیا پہلے ہی فائنل کے لیے کوالیفائی کرچکا ہے۔ آسٹریلیا نے اندور میں کھیلے گئے تیسرے ٹیسٹ میچ میں آسٹریلیا بھارت کو شکست دے کر اس میگا ایونٹ کے فائنل میں جگہ بنائی۔
دوسری جانب بھارت کی بھی نظریں فائنل کھیلنے پر ہیں لیکن سری لنکا اس کی امیدوں پر پانی پھیر سکتا ہے۔
ٹیم انڈیا کے لیے آسان راستہ
اگر بھارتی ٹیم آسٹریلیا سے چوتھا ٹیسٹ میچ جیتتی ہے تو اس طرح وہ ڈبلیو ٹی سی کے فائنل میں اپنی جگہ پکی کر لے گی۔ اس سے سری لنکا اس دوڑ سے باہر ہو جائے گا چاہے وہ نیوزی لینڈ سے دونوں ٹیسٹ میچ جیت ہی کیوں نا جائے۔
ہارنے یا برابر کرنے سے ہندوستان خطرے میں پڑ جائے گا
اگر بھارت آسٹریلیا سے جاری چوتھا ٹیسٹ میچ ہارتا یا میچ ڈرا کرتا ہے تو اس صورت میں سری لنکا کے لیے فائنل کے دروازے کھل جائیں گے لیکن پھر بھی اسے نیوزی لینڈ سے اپنے دونوں میچز جیتنے ہوں گے۔
اگر سری لنکا دونوں ٹیسٹ میچ جیتنے میں ناکام رہے تو کیا ہو گا؟
اگر سری لنکا نیوزی لینڈ سے دونوں یا کوئی ایک بھی میچ ہارتا ہے تو اس صورت میں بھی بھارت ڈبلیو ٹی سی کے فائنل میں پہنچ جائے گا۔
بھارت اور آسٹریلیا کے درمیان جمعرات کو شروع ہونے والے چوتھے ٹیسٹ میچ میں آسٹریلیا اپنی پہلی اننگز میں 480 رنز بنا کر مضبوط پوزیشن میں آچکا ہے۔
