انسٹاگرام کے سربراہ ایڈم موسیری نے اعلان کیا ہے کہ میٹا کمپنی انسٹاگرام اور تھریڈز پر سیاسی مواد کی تشہیر بند کردے گی۔ اگرچہ صارفین جن سیاسی اکاؤنٹس کو فلو کر رہے ہیں ان سے سیاسی پوسٹیں دیکھنے کو مل سکتی ہیں لیکن پلیٹ فارم اس طرح کے مواد کو ’ فعال طور پر بڑھانا ‘بند کر دے گا۔
ایڈم موسیری نے کہا کہ توقع ہے کہ اس ایڈجسٹمنٹ کو آہستہ آہستہ ’ اگلے چند ہفتوں میں‘ نافذ کر دیا جائے گا اور ان ریجنز میں عوامی اکاؤنٹس بھی متاثر ہو سکتے ہیں جہاں میٹا کے الگورتھم مواد یا پوسٹیں کی جاتی ہیں۔ ان میں انسٹاگرام کی ’ریلز‘ اور ’ ایکسپلور سیکشنز‘ جیسی پوسٹس شامل ہیں۔
واضح رہے کہ ایڈم موسیری نے اس بارے میں تفصیلات فراہم نہیں کیں کہ آیا میٹا’ سیاسی‘ پوسٹس کی کس طرح درجہ بندی کرے گی۔ تاہم میٹا کے ترجمان نے واضح کیا کہ اس زمرے میں انتخابات اور سماجی مسائل سے متعلق موضوعات شامل ہوں گے۔
میٹا کے ترجمان کا کہنا تھا کہ سیاسی مواد کی ہماری تعریف ممکنہ طور پر حکومت یا انتخابات سے متعلق موضوعات کے بارے میں ہے۔
مثال کے طور پر، قوانین، انتخابات، یا سماجی موضوعات کے بارے میں پوسٹس، یہ عالمی مسائل پیچیدہ ہیں اور دُنیا بھر میں چل رہے ہیں، جس کا مطلب ہے کہ ہم اس تعریف کے تحت آگے بڑھیں گے۔
میٹا ان موضوعات کو کم کرنے کا ارادہ رکھتی ہے جن کو وہ پہلے سے طے شدہ طور پر حساس سمجھتی ہے، لیکن اس طرح کے مواد میں دلچسپی رکھنے والے صارفین کے پاس انسٹاگرام اور تھریڈز پر سیٹنگز کے ذریعہ اپنی ترجیحات کو ایڈجسٹ کرنے کا اختیار ہوگا۔
انسٹاگرام پر یہ اپ ڈیٹ ان اکاؤنٹس سے پوسٹس کو دکھانے میں مداخلت نہ کرنے کے لیے ڈیزائن کیا گیا ہے جن کو صارفین فعال طور پر فلو کرنے کا انتخاب کرتے ہیں۔
ترجمان کا کہنا ہے کہ یہ اقدام میٹا کی وسیع تر حکمت عملی کا حصہ ہے تاکہ ممکنہ طور پر متنازع موضوعات کے بارے میں تھریڈز پر بحث کو کم سے کم کیا جاسکے۔ کمپنی پہلے ہی تھریڈز کے سرچ رزلٹ سے ’ ممکنہ طور پر حساس ‘ موضوعات کو فلٹر کر رہی ہے، جس میں ویکسین اور کوویڈ 19 سے متعلق اصطلاحات بھی شامل ہیں۔
موسیری نے یہ بھی واضح کیا ہے کہ میٹا کا مقصد ایپ کے اندر سیاست اور سخت خبروں پر بحث کو فروغ دینے سے گریز کرنا ہے، جو پلیٹ فارم کے مواد کے منظر نامے کو تشکیل دینے کی دانستہ کوشش کی نشاندہی کرتا ہے۔
