الیکشن کمیشن آف پاکستان (ای سی پی) نے اپنی ویب سائٹ پر چاروں صوبائی اسمبلیوں اور قومی اسمبلی کے حلقوں کے فارم 45، 46، 48 اور 49 ویب سائیٹ پر جاری کردیے۔ جس کے بعد سوشل میڈیا پر تحریک انصاف اور ان کے حامی صارفین کی جانب سے یہ الزام لگایا جا رہا ہے کہ الیکشن کے نتائج تبدیل کیے گئے ہیں۔
پاکستان تحریک انصاف کے آفیشل ایکس ہینڈل (سابقہ ٹوئٹر) کی جانب سے فارم 45 کی تصویر شیئر کرتے ہوئے لکھا گیا کہ جعلی فارم 45 میں آپ واضح دیکھ سکتے ہیں کہ کیسے عون چوہدری کے 93 ووٹوں کے آگے 4 لگا کر 493 کیا گیا ہے۔
جعلی فارم 45 میں آپ واضح دیکھ سکتے ہیں کیسے عون چوہدری کے 93 ووٹس کے آگے 4 لوگا کر 493 کیا گیا ہے#riggingexposed pic.twitter.com/7OJEB64S1a
— Tehreek-e-Insaf (@InsafPK) March 5, 2024
اینکر صابر شاکر نے ’ایکس‘ پر لکھا کہ الیکشن کمیشن نے بہت دباؤ کے بعد فارم 45 اپ لوڈ تو کردیے ہیں لیکن وہ بھی الیکشن نتائج کی طرح جعلی ہیں، چیف الیکشن کمشنر سکندر سلطان راجا نے تہیہ کیا ہوا ہے کہ جعلی حکومت کو پوری دنیا میں ذلیل و رُسوا کرنا ہے۔
الیکشن کمشن نے بہت دباؤ کے باد فارم 45 اپلوڈ تو کردیے ہیں لیکن وہ بھی الیکشن نتائج کی طرح جعلی ہیں، CEC راجہ نے تہیہ کیا ہوا ہے کہ جعلی حکومت کو پوری دنیا میں ذلیل و رُسوا کرنا ہے
— Sabir Shakir (@ARYSabirShakir) March 5, 2024
تحریک انصاف کے رہنما سلمان اکرم راجا نے الزام عائد کیا کہ میرے حلقے این اے 128 کے فارم 45 میں 173 ووٹوں کو 973 میں بدلا گیا۔
میرے این اے 128 کا فارم 45
173کو 973 میں بدلا گیا۔ pic.twitter.com/ATzUD2Bvbh— Salman Akram Raja (@SalmanAkramRaja) March 5, 2024
صحافی ماجد نظامی کاکہنا تھا کہ الیکشن کمیشن کی ویب سائٹ پر گجرات کے این اے 64 کے فارم 45 ضرور ملاحظہ فرمائیں۔ تقریباً ہر صفحے پر ایک لطیفہ ملے گا۔ انتہائی بھونڈے انداز میں ووٹ تبدیل کئے گئے ہیں۔ صرف ایک مثال کہ تحریک انصاف کی قیصرہ الٰہی کے 590 ووٹوں کو 090 بنا دیا گیا۔ جبکہ چوہدری سالک حسین کے 11 ووٹوں کو 511 کیا گیا ہے۔ ’دیدہ دلیری دیکھیں کہ الیکشن کمیشن نے وہ سارے فارم اپ لوڈ بھی کر دیے ہیں‘۔
تمام احباب سے گزارش ہے کہ الیکشن کمیشن کی ویب سائٹ پر گجرات کے این اے 64 کے فارم 45 ضرور ملاحظہ فرمائیں۔ تقریباً ہر صفحے پر ایک لطیفہ ملے گا۔ انتہائی بھونڈے انداز میں ووٹ تبدیل کئے گئے ہیں۔ صرف ایک مثال کہ تحریک انصاف کی قیصرہ الہی کے 590 ووٹوں کو 090 بنا دیا گیا۔ چوہدری سالک… pic.twitter.com/Ggp5Wen90W
— Majid Nizami (@majidsnizami) March 5, 2024
صحافی ثاقب بشیر کا کہنا تھا کہ فارم 45 کا پنڈورا باکس کھلنے لگا ہے، الیکشن کمیشن شاید دفاع نہیں کر سکے گا۔
فارم 45 کا پنڈورا باکس کھلنے لگا ہے الیکشن کمیشن شاید دفاع نہیں کر سکے گا
— Saqib Bashir (@saqibbashir156) March 5, 2024
صحافی حسن ایوب نے کہا کہ فارم 45 نہیں بلکہ تھیلے کھولے جائیں تاکہ یہ دھاندلی کا رونا پیٹنا تو ایک کنارے لگے اور دودھ کا دودھ اور پانی کا پانی ہو۔
فارم 45 نہیں بلکہ تھیلے کھولے جائیں تاکہ یہ دھاندلی کا رونا پیٹنا تو ایک کنارے لگے اور دودھ کا دودھ اور پانی کا پانی ہو ۔ https://t.co/v4SSwEPacO
— Hassan Ayub Khan (@HassanAyub82) March 5, 2024
واضح رہے کہ پاکستان تحریک انصاف کا الزام ہے کہ 8 فروری کو ہونے والے عام انتخابات میں دھاندلی کی گئی اور فارم 47 کی بنیاد پر امیدواروں کو جتوایا گیا۔ پی ٹی آئی کا دعویٰ ہے کہ اس کے 180 امیدوار جیتے ہوئے تھے جنہیں دھاندلی سے ہرایا گیا۔
