روس کے صدر ولادیمیر پیوٹن کے ہیلی کاپٹر کو یوکرین کی جانب سے ایک بڑے ڈرون حملے کا سامنا کرنا پڑا، جب وہ 20 مئی کو کرسک ریجن کے دورے پر تھے، تاہم اسے ناکام بنا دیا گیا۔
برطانوی اخبار کے مطابق روس کے فضائی دفاعی ڈویژن کے کمانڈر یوری داشکن نے روسی میڈیا کو بتایا کہ جب یوکرین کی جانب سے ڈرون حملہ کیا گیا تو صدر ولادیمیر پیوٹن کا ہیلی کاپٹر قریباً حملے کے مرکز میں تھا۔
یہ بھی پڑھیں پیوٹن سے متوقع ملاقات: ٹرمپ روس یوکرین جنگ رُکوانے کے لیے پُرعزم
انہوں نے کہاکہ روسی صدر کے ہیلی کاپٹر نے فضائی دفاعی لڑائی میں حصے لیتے ہوئے یوکرین کے ڈرونز مار گرائے۔
انہوں نے کہاکہ روسی صدر پیوٹن کا ہیلی کاپٹر جونہی کرسک ریجن کی فضا میں داخل ہوا تو یوکرین کی جانب سے کیے گئے ڈرون حملے کی شدت میں اضافہ ہوگیا۔
ان کا کہنا تھا کہ ہم نے نہ صرف صدارتی ہیلی کاپٹر کی محفوظ پرواز کو یقینی بنایا بلکہ فضائی دفاع کی لڑائی بھی لڑی۔ اور روس نے تمام یوکرینی ڈرونز کو تباہ کرکے حملہ ناکام بنا دیا۔
یہ بھی پڑھیں روس یوکرین جنگ بندی کے لیے برطانیہ اور فرانس کی تجویز کیا ہے؟
غیرملکی میڈیا کے مطابق روس کے صدر پیوٹن نے 20 مئی کو کرسک کا دورہ کیا تھا، جہاں ان کی مقامی رضاکاروں، میونسپل حکام اور عبوری گورنر سے ملاقات ہوئی تھی۔
