پنجاب میں روٹی کی قیمت کم کرنے کے نوٹیفکیشن کے خلاف ویڈیو بیان ریکارڈ کرانے پر پولیس نے صدر آل پاکستان نان روٹی ایسوسی ایشن شفیق قریشی کے خلاف مقدمہ درج کرلیا۔
تھانہ بنی پولیس نے ہیڈ کانسٹیبل رضوان ظفر کی مدعیت میں مقدمہ درج کیا۔
مزید پڑھیں
شفیق قریشی نے پنجاب حکومت کے نوٹیفکیشن کے خلاف ویڈیو بیان جاری کیا تھا۔
شفیق قریشی گذشتہ رات سے لاپتا تھے تاہم آج ایف آئی آر سامنے آگئی ہے جس کے مطابق 16 ایم پی او کے تحت ان کے خلاف مقدمہ درج کیا گیا ہے۔
واضح رہے کہ پنجاب حکومت نے روٹی کی قیمت 20 روپے سے کم کرکے 16 روپے مقرر کی ہے اور انتظامیہ کو فیصلے پر عملدرآمد کا حکم دیا ہے۔
حکومت نے آٹے کی قیمت میں کمی کے باعث عوام کو ریلیف دینے کے لیے روٹی کی قیمت کرنے کا نوٹیفکیشن جاری کیا ہے۔
