اسرائیل کے خلاف احتجاج کرنے پر امریکا کی ریپبلکن رہنما الہان عمر کی بیٹی کو امریکی یونیورسٹی نے معطل کردیا ہے، فلسطین کے حق میں احتجاج کرنے پر 100 سے زائد افراد کو گرفتار کیا گیا ہے۔
گزشتہ روز کولمبیا یونیورسٹی میں ہونے والے اسرائیل مخالف اور فلسطین کے حق میں احتجاج کی بنا پر برنارڈ کالج کی جانب سے 3 طلباء کو معطل کیا گیا ہے۔
الہان عمر کی بیٹی اسریٰ ہرسی کی جانب سے سوشل میڈیا پر پوسٹ کی تھی، جس میں انہوں نے کہا کہ وہ کولمبین یونیورسٹی میں آرگنائزر ہیں، وہ یونیورسٹی کو نسل کشی میں ملوث کمپنیوں سے الگ ہونے کی وکالت کر رہی ہے۔
مزید پڑھیں
سوشل میڈیا پوسٹ میں اسریٰ نے بتایا’ مجھے نوٹس ملا ہے جس میں بتایا گیا ہے کہ مجھ سمیت 3 طلباء کو فلسطینیوں سے اظہار یکجہتی کرنے پر معطل کیا گیا ہے، اس سے قبل کبھی انہیں اس طرح کی ڈسپلنری ایکشن کا سامنا نہیں کرنا پڑا۔
دوسری جانب برنارڈ کالج کے منتظمین کا کہنا ہے کہ ادارہ تفصیلات پر کوئی تبصرہ نہیں کرے گا، لیکن جمعرات کو اپنے سینئر عملے کے اعلان کی طرف اشارہ کیا، جس میں کہا گیا تھا کہ کولمبیا اور برنارڈ کے طلبا نے کولمبیا کے ساؤتھ لان میں ایک غیر قانونی کیمپ لگایا ہے۔
کولمبیا یونیورسٹی کے طلبہ نے تاریخ رقم کر دی۔ امریکہ میں حالیہ تاریخ کا سب سے بڑا طلبہ کا مظاہرہ جاری۔
فلسطین اور غزہ کے لیے زندہ انسانیت کے سینے میں دل کی طرح دھڑکتے نوجوانو تمہیں سلام۔#ShutItDown4Palestine pic.twitter.com/WsVnv7spYE— Shah Owais Noorani (@iamowaisnoorani) April 18, 2024
بیان میں مزید بتایا گیا ہےکہ برنارڈ کالج کے سینیئر اسٹاف کے ممبران کی جانب سے کیمپ میں حصہ لینے والے طلباء سے کیمپ چھوڑنے کی تلقین اور اس بات کا خدشہ بھی ظاہر کیا کہ انہیں پابندیوں کا سامنا بھی کرنا پڑ سکتا ہے۔ جبکہ ساتھ ہی انتظامیہ کی جانب سے بدھ کی رات تک کیمپ نہ چھوڑنے پر عبوری معطلی کا سامنا کرنا پڑ سکتا ہے۔
غیر ملکی میڈیا رپورٹ کے مطابق مجموعی طور پر 104 افراد کو گرفتار کیا گیا ہے، جنہیں قانونی کارروائی کا سامنا بھی کرنا پڑ سکتا ہے، جبکہ الہٰان عمر کی بیٹی سمیت 3 طلباء کو معطل کیا گیا ہے۔
