وزیراعظم پاکستان شہباز شریف نے آزادکشمیر میں احتجاج کے دوران پیدا ہونے والی صورتحال پر شدید تشویش کا اظہار کیا ہے۔
اپنے ایک بیان میں شہباز شریف نے کہاکہ پر امن احتجاج عوام کا حق ہے لیکن اس کے نام پر کسی کو قانون ہاتھ میں لینے کی اجازت نہیں دی جا سکتی نہ ہی سرکاری املاک کو نقصان پہنچانے کی اجازت دی جائے گی۔
مزید پڑھیں
انہوں نے کہاکہ کچھ لوگ اس صورتحال میں بھی سیاسی پوائنٹ اسکورنگ کررہے ہیں۔
واضح رہے کہ آزادکشمیر میں جموں و کشمیر جوائنٹ عوامی ایکشن کمیٹی کے زیراہتمام احتجاج کا سلسلہ جاری ہے، ریاست بھر سے قافلے مظفرآباد کی جانب رواں دواں ہیں۔
گزشتہ روز میرپور کے علاقے اسلام گڑھ میں مظاہرین کی فائرنگ سے ایک سب انسپکٹر شہید ہوگیا تھا۔
جوائنٹ عوامی ایکشن کمیٹی کے مطالبات میں سستی بجلی، سبسڈائز آٹا اور اشرافیہ کی مراعات ختم کرنے کے مطالبات سرفہرست ہیں۔
اس ساری صورتحال میں صدر مملکت آصف زرداری نے بھی اسٹیک ہولڈرز کو آج ایوان صدر میں طلب کیا ہے جہاں پر اہم فیصلے متوقع ہیں۔
