کراچی میں عید قرباں کی ایک روایت یہ بھی ہے کہ سنت ابراہیمی کی ادائیگی کے بعد فوڈ اسٹریٹس پر شہریوں کے لیے خاص اسٹالز لگائے جاتے ہیں جہاں قربانی کے گوشت سے انواع و اقسام کے کھانے تیار کیے جاتے ہیں۔
آر ایچ اے فوڈز کے ریسپشنسٹ طاہر اقبال کا کہنا ہے کہ ہم ہر عید پر مناسب ریٹ پر آفر دیتے ہیں چوں کہ عید کے موقع پر شہری مصروف ہوتے ہیں تو ہم یہ سہولت فراہم کرتے ہیں کہ گوشت آپ لے آئیں، بنا کر ہم دیں گے۔ اس طرح شہریوں کو بھی سہولت فراہم کر دی جاتی ہے اور ہمارا کاروبار بھی چلتا ہے۔
اس بار بریانی، ہانڈی، قورمہ، کڑاہی، تکے، رانیں اور گوشت سے تیار ہونے والا ہر آئٹم بنایا جائے گا۔ ساتھ ہی شہریوں کی فرمائش پر بھی کھانے تیار کیے جائیں گے۔
