پاکستان سمیت دنیا بھر کے مسلمان نئے اسلامی سال کا استقبال کرنے کے لیے تیاریاں کررہے ہیں اور پاکستان میں اس بار عاشورے میں کتنی چھٹیاں ہوں گی اس حوالے سے اندازے لگانا شروع کردیے گئے ہیں۔
یہ بھی پڑھیں:6 تا 11 محرم پنجاب میں واٹس ایپ ،فیس بک ،ٹک ٹاک اور ٹوئٹر بند رہے گا،نوٹیفیکیشن جاری
چاند اگر 6 جولائی کو نظر آگیا تو اسلامی کیلنڈر کا پہلا مہینہ ‘محرم’ اتوار سے شروع ہوجائے گا۔
پاکستان میں ہر سال کی طرح رواں برس بھی عاشورہ کے موقع پر دونوں دن ملک بھر میں عام تعطیل ہوگی، تاہم ان تعطیلات کی صحیح تاریخیں رویت ہلال کمیٹی کی جانب سے محرم کے چاند کے اعلان پر منحصر ہیں، اگر 6 جولائی کی شام کو چاند نظر آگیا تو یکم محرم 7 جولائی کو ہوگی۔
یہ بھی پڑھیں:محرم الحرام، سندھ بھر میں دفعہ 144 نافذ، کراچی میں ڈبل سواری پر پابندی
اگر یکم محرم 7 جولائی کو ہوئی تو اس اعتبار سے عاشورہ کا اہتمام 15 اور 16 جولائی (پیر اور منگل) کو کیا جائے گا اور دونوں دن ملک بھر میں عام تعطیل ہوگی۔ اسی طرح وفاقی حکومت کے اداروں میں ہفتہ اور اتوار کی چھٹی ہوتی ہے تو پھر اس بار سرکاری ملازمین کو 4 چھٹیاں مل جائیں گی۔
بصورتِ دیگر اگر نیا اسلامی سال 8 جولائی کو شروع ہوتا ہے تو عاشورہ 16 اور 17 جولائی (منگل اور بدھ) کو ہوگا اوراس طرح وفاقی اور صوبائی سطح پر 2، 2 چھٹیاں ہوں گی۔
