بھارت میں ہندو مذہبی تیوہار کے لیے لگائے گئے بینر پر غیر اخلاقی فلموں کی سابق لبنانی پورن اسٹار میا خلیفہ کی تصویر لگادی گئی، جس نے علاقے میں ہنگامہ بپا کردیا۔ بینر’آدی‘ تیوہار کے لیے لگایا گیا تھا، جس میں تمل ناڈو کے مندروں میں دیوی اماں (پاروتی) کی پوجا کی جاتی ہے۔
بھارتی میڈیا کے مطابق ریاست تامل ناڈو کے کانچی پورم ضلع میں ہندو مت کا مذہبی بینر آویزاں کیے جانے کے بعد ہنگامہ کھڑا ہوگیا۔ پاروتی پوجا کی تقریبات میں ہزاروں ہندو شرکت کرتے ہیں اور یہ کئی دنوں تک جاری رہتی ہے۔
مزید پڑھیں:امریکی اسٹار کائیلی جینر کو اسرائیل کے حق میں کی گئی پوسٹ کیوں ڈیلیٹ کرنا پڑی؟
تامل ناڈو میں بینر پر ہندو دیوتاؤں کے ساتھ میا خلیفہ کی تصویر دیکھ کر پجاریوں کا غصہ عروج پر پہنچ گیا۔ فحش فلموں کی سابق اداکارہ کی تصویر میں کمپیوٹر سافٹ ویئر یا ایپلیکیشن کے ذریعے تبدیلی کی گئی تھی اور اسے ہندو مذہب میں ڈھالنے کی کوشش کی گئی تھی۔ پولیس نے موقع پر پہنچ کر بینر کو ہٹادیا۔
میا خلیفہ پورن انڈسٹری میں کام کرنا چھوڑ چکی ہیں۔ ایک انٹرویو میں انہوں نے ماڈلز کو پیغام دیا تھا کہ وہ پورن انڈسٹری میں کام نہ کریں اور ایسے تمام لوگوں سے دور رہیں جو انہیں اس کام کے لیے پُرکشش آفر کرتے ہیں۔
