حکومت پاکستان نے جشن آزادی پاکستان کے موقع پر وفاقی دارالحکومت اسلام آباد میں آزادی فیسٹیول کے انعقاد کا اعلان کیا ہے۔
جشن آزادی پاکستان کی مناسبت سے 13 اور 14 اگست کو ایف نائن پارک اسلام آباد میں فیسٹیول کا انعقاد کیا جارہا ہے، جس میں اولمپیئن ارشد ندیم بھی شرکت کریں گے۔
یہ بھی پڑھیں 14 اگست کو برج خلیفہ پر پاکستانی پرچم کیسے سجایا جاتا ہے؟
فیسٹیول میں فیملیز کے لیے کھانے کے اسٹالز اور بچوں کی تفریح کا سامان مہیا کیا جائے گا، اس کے علاوہ ملک کے نامور فنکار سجاد علی، عمیر جسوال، ینگ سٹنرز، نتاشہ بیگ، نمرہ مہرا اپنی آواز کا جادو جگائیں گے۔
فیسٹیول میں شاندار ڈرون شو اور آتش بازی کا بھی مظاہرہ کیا جائے گا، لوگ فیملیز کے ساتھ شریک ہوکر لطف اندوز ہوسکتے ہیں۔
