دبئی کے حکمران شیخ محمد بن راشد المکتوم نے پاکستان کے 78 ویں یوم آزادی کے موقع پر پاکستانی قوم اور قیادت کو مبارکباد پیش کی ہے۔
سماجی رابطے کی سائٹ ’ایکس‘ پر اپنے ایک بیان میں انہوں نے لکھا کہ میں پاکستان کے یوم آزادی پر پاکستانی قوم اور قیادت کو مبارکباد پیش کرتا ہوں۔
میں اسلامي جمہوریہ پاکستان کے 77 ویں یوم آزادی کے موقع پر پاکستانی قوم اور قیادت کو تہہ دل سے مبارک باد پیش کرتا ہوں۔
جہاں پاکستان اپنی ترقی وخوشحالی اور استحکام کے سفر پر گامزن ہے وہیں متحدہ عرب امارات دونوں ممالک کے درمیان تعاون کو بڑھانے، ترقی کے نئے مواقع تلاش کرنے اور… pic.twitter.com/aVfHPPfO73— HH Sheikh Mohammed (@HHShkMohd) August 14, 2024
انہوں نے کہاکہ جہاں پاکستان اپنی ترقی، خوشحالی اور استحکام کے سفر پر گامزن ہے وہیں متحدہ عرب امارات دونوں ممالک کے درمیان تعاون کو بڑھانے، ترقی کے نئے مواقع تلاش کرنے اور خوشحالی اور کامیابی سے بھرپور مستقبل کی تعمیر کے لیے مل کر کام کرنے کے لیے اپنے مستقل عزم کا اعادہ کرتا ہے۔
یہ بھی پڑھیں ملک بھر میں 78واں یوم آزادی روایتی جوش و جذبے سے منایا جارہا ہے
انہوں نے مزید لکھا کہ پاکستانی قوم کو آزادی کی خوشیاں مبارک ہوں۔
واضح رہے کہ پاکستانی قوم آج 78 ویں یوم آزادی کا جشن منا رہی ہے، 14 اگست 1947 وہ تاریخی دن تھا جب پاکستان ایک آزاد ملک کے طور پر دنیا کے نقشے پر سامنے آیا۔
آج کے دن جشن آزادی مناتے ہوئے قوم کی جانب سے بابائے قوم قائداعظم محمد علی جناح سمیت تحریک پاکستان میں اپنا کردار ادا کرنے والوں کو خراج عقیدت پیش کیا جارہا ہے۔
یہ بھی پڑھیں 78ویں یوم آزادی کے موقع پر روسی صدر ولادی میر پیوٹن کا پاکستانیوں کے نام پیغام
جشن آزادی پاکستان کے موقع پر دبئی کے حکمران شیخ محمد بن راشد المکتوم کے علاوہ دیگر ممالک کے سربراہان مملکت نے بھی پاکستانی قیادت اور قوم کو مبارکباد پیش کرتے ہوئے نیک خواہشات کا اظہار کیا ہے۔
