بلوچستان کے ضلع چاغی کے تحصیل دالبندین میں بجلی کے کھمبوں سے لٹکتی ہوئی ملنے والی 5 افراد کی لاشوں کی شناخت ہوگئی۔
کھمبوں سے لٹکتی ہوئی ملنے والی لاشیں افغان باشندوں کی ہیں، جبکہ میڈیا رپورٹس میں یہ بھی دعویٰ کیا جارہا ہے کہ یہ سابق افغان سیکیورٹی اہلکاروں کی ہیں۔
یہ بھی پڑھیں بلوچستان کے ضلع چاغی میں گولیوں سے چھلنی 5 لاشیں برآمد
مارے جانے والوں کی شناخت روزی محمد ولد محمد، رحمت اللہ ولد عبد الحمید، سمیع اللہ ولد عبد الولی، آغا ولی ولد محمد ولی، سردار ولی ولد گلاب شاہ کے ناموں سے ہوئی ہے، جبکہ پولیس کی جانب سے مزید تحقیقات جاری ہیں۔
یہ بھی پڑھیں گوادر میں فائرنگ: پنجاب سے تعلق رکھنے والے 7 حجام قتل
واضح رہے کہ گزشتہ روز بلوچستان کے ضلع چاغی کی تحصیل دالبندین میں 5 افراد کی کھمبوں سے لٹکتی ہوئی لاشیں ملی تھیں، جنہیں گولیاں مار کر قتل کیا گیا تھا۔
