مائیکرو بلاگنگ ویب سائٹ ٹوئٹر نے امریکی اخبار نیویارک ٹائمز کی ٹوئٹر پروفائل سے “ویریفائڈ” بلیو ٹک کو ہٹا دیا ہے۔ چند روز قبل امریکی اخبار نے یہ بیان دیا تھا کہ وہ ایلون مسک کی تصدیق کے لیے ادائیگی کی نئی اسکیم کے لیے سائن اپ نہیں کرے گا۔
نیو یارک ٹائمز کی پروفائل پر دیکھا جا سکتا ہے کہ بلیو ٹک ہٹایا جا چکا ہے جبکہ سرکاری اور نامور تنظیموں کو دیا جانے والا گولڈن ٹک بھی نہیں دیا گیا۔
اس ہفتے کے شروع میں CNN کے رپورٹر اولیور ڈارسی نے ٹویٹ کرتے ہوئے لکھا تھا کہ NYT تصدیق کے لیے ادائیگی نہیں کرے گا، ایک ترجمان کا حوالہ دیتے ہوئے انہوں نے لکھا: “ہم اپنے ادارہ جاتی ٹوئٹر اکاؤنٹس کی تصدیق کے لیے ماہانہ فیس ادا کرنے کا کوئی ارادہ نہیں رکھتے۔
New: The New York Times says it is not planning to pay for Twitter verification:
“We aren’t planning to pay the monthly fee for verification of our institutional Twitter accounts,” a spokesperson tells me.
— Oliver Darcy (@oliverdarcy) March 30, 2023
انہوں نے مزید لکھا کہ ترجمان نے کہا ہے کہ”ہم ذاتی اکاؤنٹس کی تصدیق کے لیے رپورٹرز کو بھی معاوضہ نہیں دیں گے،” NYT کے ترجمان نےمزید کہا، “سوائے ان شاذ و نادر صورتوں کے جہاں رپورٹنگ کے مقاصد کے لیے تصدیق شدہ اکاؤنٹس ضروری ہوں۔”
New: The New York Times says it is not planning to pay for Twitter verification:
“We aren’t planning to pay the monthly fee for verification of our institutional Twitter accounts,” a spokesperson tells me.
— Oliver Darcy (@oliverdarcy) March 30, 2023
اس سے قبل اسی حوالے سے ایک صارف نے ٹوئٹر کے مالک ایلون مسک کو مخاطب کرتے ہوئے لکھا کہ نیو یارک ٹائمز بلیو ٹک کے لیے پیسے نہیں دے گا اور دیکھیں کسی کو کوئی فرق نہیں پڑتا جس کے جواب میں ایلون مسک نے کہا تو ٹھیک ہے ہم ہٹا دیتے ہیں۔
Oh ok, we’ll take it off then
— Elon Musk (@elonmusk) April 2, 2023
نیو یارک ٹائمز کے بلیو ٹک کے ہٹائے جانے کی خبر دی سپیکٹیٹر انڈکس نامی اکاؤنٹ نے شئیر کی تو صارفین کی جانب سے تبصروں اور میمز کا ایک طوفان برپا ہو گیا، کسی نے تنقید کی تو کوئی حق میں بول پڑا، کسی نے طنز کیا تو کسی نے مذاق کیا ، اسی حوالے سے ایک صارف نے لکھا میں واقعی اتنا حیران نہیں ہوں، یہ ہمیشہ ان کے اور ایلون کے درمیان چلتا رہتا ہے۔
I am not really shocked that much, it’s always a face-off between them and elon
— ibrooo (@Ibrahimskrr) April 2, 2023
ایک اور صارف نے لکھا یہ ستم ظریفی ہے کہ nyt اپنی خبریں پڑھنے کے لیے سبسکرپشن چارج کرے گا لیکن وہ تصدیق شدہ بیج حاصل کرنے کے لیے $11 ڈالر ادا نہیں کر سکتے۔
Kinda ironic that nyt would charge subscription to read it’s stories but they can’t pay $11 to have verified badge.
— Nav1.7 (@voltexinc) April 2, 2023
یاد رہے کہ اس سے قبل مائیکروبلاگنگ ویب سائٹ ٹوئٹر کی جانب سے اعلان کیا گیا تھا کہ پلیٹ فارم پر ویریفائیڈ اکاؤنٹ رکھنے کے خواہشمند افراد کو اس کی قیمت ادا کرنا ہو گی۔
