’جہاں پانی نہیں وہاں کی ویڈیو بنانا چھوڑ دیں‘، میئر کراچی کو ویڈیو شیئر کرنا مہنگا پڑگیا

میئر کراچی مرتضیٰ وہاب نے سماجی رابطوں کی سائیٹ ایکس پر ایک ویڈیو پوسٹ کی جس میں انہیں گاڑی میں سفر کرتے دیکھا جا سکتا ہے، انہوں نے کیپشن میں لکھا کہ یہ نرسری فرنیچر مارکیٹ کا وہ مقام ہے جہاں ہمیشہ پانی کھڑا ہوتا تھا لیکن اب کی بار ایسا نہیں ہوا، ساتھ ہی انہوں نے اس کا کریڈٹ بلدیاتی کارکنان کو دیتے ہوئے ان کی حوصلہ افزائی کی کہ انہوں نے بہت اچھا کام کیا ہے۔

نرسری فرنیچر مال رٹ کا مقام جہاں ہمیشہ پانی کھڑا ہوتا تھا اب کی بار ایسا نہیں ہوں۔ شاباش تمام بلدیاتی کارکنان 👏 pic.twitter.com/uXEM8ha0RW

— Murtaza Wahab Siddiqui (@murtazawahab1) August 29, 2024

مرتضیٰ وہاب کے ویڈیو اپلوڈ کرنے کی دیر تھی کہ صارفین نے ان پر تنقید کے تیر چلا دیے۔ صارفین کا کہنا تھا کہ مرتضیٰ وہاب ہر اس جگہ کی ویڈیو بناتے ہیں جہاں کوئی مسئلہ نہیں ہوتا۔

یہ ہر اس جگہ کی ویڈیو بناتا ہے جہاں کوئی مسئلہ نہیں ہوتا ہے https://t.co/QDHcUsFoke

— Freedom (@Hammad10387) August 30, 2024

ہاشمیات نامی صارف نے مرتضیٰ وہاب کو تنقید کا نشانہ بناتے ہوئے کہا کہ آپ سڑکوں پر چلتے رہتے ہیں کبھی سڑک سے متصل سروس روڈز اور گلیوں کو بھی دیکھ لیجیے۔ بارش کے بعد وہ سب تالاب بنے ہوئے ہیں، صارف نے سوال کیا کہ ان کو کلیئر کرنا کس کی ذمہ داری ہے؟

مرتضی وہاب صاحب آپ سڑکوں پر چلتے رہتے ہیں۔ کبھی سڑک سے متصل سروس روڈز،گلیوں کو بھی دیکھ لیجئیے تالاب بنے ہوئے ہیں۔ ان کو کلئیر کرنا کس کی ذمہ داری ہے؟

— ہاشمیات (@hashmiyat) August 30, 2024

عبید نامی صارف نے لکھتے کہ مرتضیٰ وہاب شاید ڈیفنس اور دیگر پوش علاقوں کے میئر ہیں وہ اورنگی ٹاؤن، لیاقت آباد، کٹی پہاڑی یا پھرتین ہٹی کیوں نہیں جاتے؟

مرتضیٰ وہاب صدیق میرے خیال میں آپ کراچی DHA,، ڈیفنس اور دیگر پوش علاقوں کے میئر ہیں۔آپ لالو کھیت، اورگی ٹاؤن، ماڈل کالونی، لیاقت آباد کٹی پہاڑ ی ، پھر ہٹی کیوں نہیں جاتے؟

— Obaid. (@ObaidRa85972381) August 30, 2024

ایک ایکس صارف نے مرتضیٰ وہاب کو مخاطب کرتے ہوئے کہا کہ جہاں پانی نہیں ہے وہاں کی ویڈیو بنا کر سب اچھے کی رپورٹ دینا چھوڑ دیں اور اپنے کام پر توجہ دیں۔

تھوڑی دیر پہلے ہی آپکے ساتھ ساتھ گاڑی چلا کر آگے گیا تو بلوچ کالونی برج کے پاس کی ویڈیو بنائی اور کی واردات پکڑ لی
سر جہاں پانی نہیں ہے وہاں کی ویڈیو بنا کر سب اچھے کی رپورٹ دینا چھوڑ کر کام ہر توجہ دیجھے@murtazawahab1 https://t.co/pNoInCLmUL

— AD (@Ad8876) August 29, 2024

جہاں کئی صارفین میئر کراچی پر تنقید کرتے نظر آئے وہیں جیالے ان کے حق میں سامنے آ گئے۔ ایک صارف نے لکھا کہ اس میں کوئی شک نہیں کراچی میں آج جتنی بارش ہوئی ہے لگ رہا تھا کہ یہاں پانی کھڑا ہوجائے گا لیکن وہ یہ دیکھ کر حیران رہ گئے کہ کہیں بھی پانی کھڑا نہیں ہوا، انہوں نے مرتضیٰ وہاب اور ان کی ٹیم کی تعریف کرتے ہوئے لکھا بحیثیت شہری وہ میئر کراچی کی کارکردگی سے مطمئن ہیں۔

اس میں کوئی شک نہیں کراچی میں آج جیسی بارش ہوئی ہے لگ یہی رہا تھا کہ پانی بہت کھڑا ہوگا لیکن میں حیران رہ گیا پانی کہیں بھی اتنا نہیں میئر کراچی کا کام بول رہا ہے بحیثیت شہری میں میئر کراچی کی کارکردگی سے مطمئن ہوں شاباش پوری ٹیم کو #SindhGovt #KarachiRain #ppp #BilawalBhutto https://t.co/RPacpoFY7o

— Syed Azar (@SyedAzar24) August 29, 2024

ایک ایکس صارف نے میئر کراچی مرتضیٰ وہاب کی تعریف کرتے ہوئے لکھا کہ یہ آپ کی محنت اور لگن سے ممکن ہوا ہے کہ کراچی میں بارشوں کے بعد سڑکیں کلیئر ہیں۔