پاکستان کے سابق کرکٹر مشتاق احمد کی بیٹی رشتہ ازدواج میں منسلک ہوگئیں۔ ان کے نکاح کی دلکش تصاویر اور ویڈیوز سوشل میڈیا پر وائرل ہوگئیں۔
مشتاق احمد کی بیٹی حبیبہ مشتاق کی شادی کی تقریب سادہ اور پر وقار تھی جس میں پاکستان کرکٹ ٹیم کے سابق کپتان وقار یونس بھی اپنی فیملی کے ہمراہ شریک ہوئے جس کی تصویر بھی سامنے آئی ہے۔
شادی کی تصاویر جیسے ہی سوشل میڈیا کی زینت بنیں تو صارفین کی بڑی تعداد نے جوڑے کے لیے نیک خواہشات کا اظہار کیا، بہتر مستقبل کے لیے دعائیں دیں۔ مشتاق احمد کی بیٹی حبیبہ کے نکاح کی تقریب نجی نوعیت کی تھی جس میں قریبی رشتے دار اور چند دوستوں کو مدعو کیا گیا تھا۔
View this post on Instagram
مشتاق احمد کی بیٹی حبیبہ مشتاق کا نکاح انٹیرئیر ڈیزائنر کے کاروبار سے منسلک محمد دیان سے کیا گیا ہے، سابق کرکٹر نے بیٹی کا نکاح خود پڑھایا۔ نکاح کے موقع پر کاروباری، کرکٹرز و سماجی شخصیات نے شرکت کی، حبیبہ کی رخصتی کی تقریب 20 ستمبر کو لاہور میں ہوگی۔
واضح رہے کہ مشتاق احمد قومی ٹیم کے مایہ ناز اسپنر تھے اور وہ 1992 ورلڈ کپ میں بھی پاکستان ٹیم کا اہم حصہ تھے۔ انہوں نے اپنے کیرئیر میں پاکستان کرکٹ بورڈ میں بطور ٹیم کوچ بھی خدمات انجام دیں۔
