پاکستان کے وکٹ کیپر بیٹر محمد حارث رشتہ ازدواج میں منسلک ہوگئے۔ انہوں نے سماجی رابطوں کی سائٹ ایکس پر اپنے نکاح کی چند تصاویر شیئر کیں اور کیپشن میں لکھا کہ اس نعمت کے لیے وہ اللہ کا شکر ادا کرتے ہیں۔
کرکٹر کے نکاح کے بعد مداحوں کی جانب سے مبارک باد کا سلسلہ جاری ہے۔
Nikkah day and forever
Alhamdulillah for this blessing 🙏 pic.twitter.com/MmHoavgxiy— Muhammad Haris (@iamharis63) September 6, 2024
نکاح کی تقریب پشاور کے نجی ہوٹل میں ہوئی جس کی ویڈیو بھی سوشل میڈیا پر وائرل ہوگئی جس میں محمد حارث کو دوستوں اور رشتہ داروں کے ساتھ دیکھا جا سکتا ہے، نکاح کے موقع پر محمد حارث نے سفید رنگ کے کُرتے اور پاجامہ کا انتخاب کیا، اس پر انہوں نے سفید رنگ کی ہی کام والی جیکٹ پہنی ہوئی ہے۔
View this post on Instagram
واضح رہے کہ وکٹ کیپر بیٹر محمد حارث کو پاکستان شاہینز کی وائٹ بال ٹیم کی کپتانی سونپ دی گئی ہے۔ محمد حارث نے آخری بار کولمبو میں اے سی سی مینز ایمرجنگ ٹیمز ایشیا کپ 2023 میں پاکستان شاہینز کی کپتانی کی تھی۔ فائنل میں پاکستان شاہینز نے بھارت کو 128 رنز سے شکست دے کر ٹائٹل کا کامیابی سے دفاع کیا تھا۔
