مولانا فضل الرحمان کی رہائشگاہ کے دروازے ہی سے واپس لوٹ جانے والا پی ٹی آئی کا وفد حکومتی وفد کے روانہ ہونے پر دوبارہ مولانا کے گھر پہنچ گیا۔
یہ بھی پڑھیں:حکومت نے آئینی ترامیم سے متعلق مولانا فضل الرحمان کی تجویز مان لی
پی ٹی آئی کا وفد کل قومی اسمبلی میں پیش کی جانے والی مجوزہ ترامیم سے متعلق بات چیت کے لیے مولانا فضل الرحمان کی رہائشگاہ پہنچ گیا ہے۔
قبل ازیں پی ٹی آئی کے وفد کو مولانا کی رہائشگاہ سے اُس وقت واپس لوٹنا پڑا تھا جب وہاں پہلے سے موجود حکومتی وفد مولانا سے مذاکرات کر رہا تھا۔
اس صورتحال میں اپوزیشن لیڈر کی گاڑی مولانا کے گھر میں داخل ہوتے ہی واپس ہو گئی تھی، پی ٹی آئی ارکان غصے میں مولانا کی رہائش گاہ سے واپس ہوئے تھے۔
یہ بھی پڑھیں:آئینی ترمیم کا معاملہ: حکومتی اراکین اسمبلی کے اسلام آباد سے باہر جانے پر پابندی
بعد ازاں پی ٹی آئی کے رہنما پی ٹی آئی آخوانزادہ حسین کی جانب سے مؤقف سامنے آیا تھا کہ پی ٹی آئی اراکین مولانا فضل الرحمان کے ساتھ طے شدہ شیڈول کے مطابق ان سے ملاقات کے لیے آئے تھے، تاہم یہاں پہنچنے پر پتا چلا کہ مولانا فضل الرحمن کے کچھ مہمان موجود ہیں، ہمارے وفد میں بھی کچھ لوگ کم تھے، پی ٹی آئی کا وفد کچھ دیر میں واپس آئے گا۔