لاہورمیں امن و امان کے قیام کے لیے فوج کے بعد رینجرز کو بھی طلب کیا گیا ہے۔
پنجاب میں امن وامن کے قیام کے لیے صوبائی محکمہ داخلہ نے لاہور میں رینجرز کو طلب کیا ہے، لاہور میں جی پی او چوک اور کئی دیگر داخلی راستوں پر رینجرز کے دستے تعینات کیے گئے ہیں۔
یہ بھی پڑھیں: اسلام آباد کے بعد پنجاب میں بھی فوج طلب کرلی گئی
یاد رہے کہ اس سے قبل محکمہ داخلہ پنجاب نے صوبے میں امن و امان کی صورتحال برقرار رکھنے کے لیے فوج کو طلب کیا تھا۔
پنجاب کے 4 شہروں میں دفعہ 144 نافذ؛ 3 میں رینجرز طلب!
حکومت پنجاب نے ضلعی انتظامیہ کی درخواست پر راولپنڈی اور اٹک میں 4 اور 5 اکتوبر کیلئے رینجرز کی 6 جبکہ لاہور میں 5 اکتوبر کیلئے رینجرز کی 3 کمپنیاں طلب کر لیں۔ اسی طرح لاہور میں 8 اکتوبر جبکہ راولپنڈی، اٹک اور سرگودھا میں 6… pic.twitter.com/gjhPIiM7UR— Home Department Punjab (@homedptpunjab) October 4, 2024
محکمہ داخلہ پنجاب کی جانب سے جاری نوٹیفکیشن میں کہا گیا تھا کہ پاکستان میں ہونے والے شنگھائی تعاون تنظیم کے اجلاس کے موقع پر سیکیورٹی صورتحال کو بہتر بنانے اور غیر ملکی سربراہوں کی آمد کو یقینی بنانے کے لیے پنجاب میں بھی فوج طلب کرلی گئی ہے، فوج طلبی کا فیصلہ پنجاب کی خصوصی کمیٹی برائے امن وامان کے اجلاس میں ہوا۔
یہ بھی پڑھیں: فوج کی طلبی، آئین کا آرٹیکل 245 کیا ہے؟
اعلامیے کے مطابق فوج کو طلب کرنے کا مقصد امن و امان کو برقرار رکھنے اور اس دوران غیر ملکی مندوبین کو سیکیورٹی فراہم کرنا ہے۔ فوج ایئرپورٹس، حساس اوراہم عمارتوں کا کنٹرول سنبھالے گی۔
اعلامیہ کے مطابق فوج کو جرم کا ارتکاب کرنے والے یا دھمکی دینے والے کسی بھی شخص کو حراست میں لینے کی اجازت ہوگی۔
