ریگل آٹوموبائلز کو پاکستان میں Seres 3 الیکٹرک کاریں تیار کرنے کی اجازت مل گئی

ریگل آٹوموبائلز لیمٹیڈ کو پاکستان میں الیکٹرک گاڑیاں بنانے کے لیے اسمبلنگ سرٹیفکیٹ دے دیا گیا۔

مذکورہ سرٹیفیکیٹ انجینئرنگ ڈویلپمنٹ بورڈ (EDB) کی طرف سے جاری کیا گیا ہے جس کے تحت ریگل آٹوموبائل کی اندرون ملک اسمبلنگ اور مینوفیکچرنگ کی صلاحیتوں کی توثیق کردی گئی ہے۔

یہ بھی پڑھیں: الیکٹرک کار GiGi منی کی قیمت میں بڑی کمی
کمپنی کو پاکستان میں اس کی Seres 3 الیکٹرک کراس اوور ایس یو ویز کے لیے اسمبلنگ سرٹیفکیٹ دیا گیا ہے۔

یہ اجازت 2 اکتوبر 2024 سے نافذالعمل ہوئی ہے جس سے کمپنی کے لیے پاکستان میں Seres 3 EV کے 2 ویرینٹس تیار کرنے کی راہ ہموار ہوگئی ہے۔

Seres 3، ایک 5 سیٹوں والی الیکٹرک کراس اوور SUV، اب 2 اقسام میں دستیاب ہوگی۔ ایک 49 kWh بیٹری کے ساتھ اور دوسری 54 kWh بیٹری کے ساتھ ہوگی۔ اس پیشرفت سے قبل نومبر 2023 میں پاکستان میں مکمل طور پر تعمیر شدہ یونٹ (CBU) کے طور پر گاڑی متعارف ہوئی تھی۔ ابتدائی طور پر صرف 49 kWh ویرینٹ دستیاب تھا جس کی لانچ قیمت 91 لاکھ روپے تھی تاہم اس کے ایک ماہ بعد کمپنی نے قیمت کم کر کے 83 لاکھ 90 ہزار روپے کر دی تھی۔

مزید پڑھیے: منی الیکٹرک کار اب پاکستان میں قسطوں پر دستیاب

قابل ذکر بات یہ ہے کہ Seres 3 EV اس وقت پاکستان میں الیکٹرک کراس اوور SUV سیگمنٹ میں سب سے زیادہ سستا آپشن ہے۔