نائب وزیراعظم اور وزیر خارجہ اسحاق ڈار دولت مشترکہ کے سربراہان حکومت کے اجلاس میں پاکستانی وفد کی قیادت کریں گے، آج بروز پیر سے ساموا میں شروع ہونیوالا یہ اجلاس 6 روز جاری رہے گا۔
یہ بھی پڑھیں:26ویں آئینی ترمیم کی منظوری، وزیراعظم نے دولت مشترکہ کے اجلاس میں شرکت کا فیصلہ ترک کردیا
ترجمان دفتر خارجہ کی جانب سے جاری کردہ بیان کے مطابق نائب وزیر اعظم دولت مشترکہ کے اجلاس میں اہم عالمی مسائل اور چیلنجز پر پاکستان کا نقطہ نظر پیش کریں گے اور موسمیاتی تبدیلی، اقتصادی ترقی اور دولت مشترکہ کی برادری میں بین الاقوامی تعاون کو مضبوط بنانے پر توجہ دینے کی ضرورت پر زور دیں گے۔
Commonwealth states are set to grace the 27th CHOGM, 2024, in Samoa. The Coalition of 56 global nations is steered towards achieving democracy, Peace, development, and economic empowerment amongst partner states. This year's edition shines a light on one of her smallest members! pic.twitter.com/wciH4rWjP0
— The Country Diplomat 💼 (@diplomatical03) October 21, 2024
وزیر خارجہ اسحاق ڈار دولت مشترکہ بزنس فورم میں ’ٹرانسفارمنگ آوور ورک فورس‘ میں اپنے کلیدی خطاب میں نوجوانوں کو بااختیار بنانے، ہنر کی ترقی اور ڈیجیٹل تبدیلی پر پاکستان کے کردار کو اجاگر کریں گے۔ نائب وزیر اعظم دولت مشترکہ کے دیگر رکن ممالک کے وفود کے سربراہان سے بھی ملاقات کریں گے۔
مزید پڑھیں:دولت مشترکہ کے اہداف کا حصول، وزیر اعظم شہباز شریف کا رکن ممالک کے درمیان ہم آہنگی پر زور
ترجمان دفتر خارجہ ممتاز زہرا بلوچ کے مطابق نائب وزیر اعظم دولت مشترکہ کے دیگر رکن ممالک کے وفود کے سربراہان سے بھی ملاقات کریں گے۔
’دولت مشترکہ کے2024 کے سربراہان حکومت کے اجلاس میں پاکستان کی شرکت دولت مشترکہ کے ساتھ اس کی مسلسل وابستگی اور چھوٹے پیسفک جزائر ممالک کے ساتھ اس کے تعلقات کی عکاسی کرتی ہے۔‘
