قومی ٹیم کے فاسٹ بولر حارث رؤف کی کامران غلام کو ماضی میں تھپڑ مارنے کی ویڈیو وائرل ہوگئی۔
انگلینڈ کے خلاف ملتان ٹیسٹ میں کامران غلام نے ڈیبیو پر سنچری اسکور کی تو کامران غلام کا نام سوشل میڈیا پر ٹرینڈ کرنے لگا تھا، ایسے میں پی ایس ایل کی ایک پرانی ویڈیو بھی منظرعام پر آئی جس میں حارث رؤف نے کامران غلام کو تھپڑ مارا تھا۔
Kamran Ghulam was once slapped by Haris Rauf in PSL Match 😯 But Why ??#KamranGhulam #PAKvENG pic.twitter.com/wnOYmVuHNO
— Richard Kettleborough (@RichKettle07) October 15, 2024
یہ واقعہ لاہور قلندرز اور پشاور زلمی کے درمیان کھیلے گئے میچ کے دوران پیش آیا۔ جب غلام نے رؤف کی گیند پر پشاور زلمی کے حضرت اللہ زازئی کا کیچ ڈراپ کیا لیکن اسی اوور کی آخری گیند پر فواد احمد نے اچھا کیچ لیا۔ جس کے بعد جب لاہور قلندرز کے کھلاڑی وکٹ پر جشن منانے کے لیے جمع ہوئے تو رؤف نے مذاق میں کامران غلام کو تھپڑ مار دیا۔
یہ بھی پڑھیں: ’اب تو بابر اعظم پکے پکے ٹیسٹ ٹیم سے آؤٹ ہو جائیں گے‘ کامران غلام کی سینچری پر صارفین کے تبصرے
واضح رہے کہ کامران غلام ڈیبیو پر سنچری اسکور کرکے 13ویں پاکستانی بیٹر بن گئے ہیں۔ ڈومیسٹک کرکٹ میں شاندار کارکردگی دکھانے والےکامران غلام بابراعظم کی جگہ ٹیم میں آئے ہیں۔ کامران غلام نے ڈومیسٹک کرکٹ میں بھی شاندار کارکردگی کا مظاہرہ کیا، اور 59 میچوں میں 49.17 کی اوسط سے 4 ہزار 377 رنز اسکور کیے۔
قومی کرکٹر کی ڈیبیو ٹیسٹ میں شاندار کارکردگی پر اسکواڈ سے ڈراپ کیے جانے والے بابر اعظم نے انسٹاگرام پر اسٹوری شیئر کی۔ بابر نے انسٹاگرام اسٹوری پر کامران غلام کی تصویر شیئر کی جس میں وہ سنچری کے بعد گراؤنڈ پر بیٹھے اللہ پاک کا شکر ادا کررہے ہیں جب کہ انہوں نے سجدہ شکر بھی ادا کیا۔ بابراعظم نے کامران کو شاباشی دیتے ہوئے لکھا کہ ‘کامران، آپ بہت اچھا کھیلے’۔
