بنگلہ دیش کے انٹرنیشنل کرائمز ٹریبونل نے سابق وزیراعظم شیخ حسینہ اور عوامی لیگ کے جنرل سیکرٹری عبیدالقادر سمیت 46 افراد کے وارنٹ گرفتاری پر عملدرآمد کے لیے متعلقہ اداروں سے رجوع کرلیا ہے۔
یہ بھی پڑھیں:بنگلہ دیش سپریم کورٹ بار کا بھارت سے شیخ حسینہ واجد کو واپس بھیجنے کا مطالبہ
ٹریبیونل کے چیف پروسیکیوٹر تاج الاسلام نے کہا کہ شیخ حسینہ اور عبیدالقادر سمیت 46 افراد کے خلاف نسل کشی اور انسانیت کے خلاف جرائم کے مختلف مقدمات میں جاری کیے گئے وارنٹ گرفتاری عملدرآمد کے لیے انسپکٹر جنرل آف پولیس کو بھیج دیے گئے ہیں۔
The International Crime Tribunal (ICT) on October 17, 2024 for the first time ordered to arrest Hasina and produce her in court on November 18… #bangladeshi #SheihkHasina #ICT #crime #humanity #quotareformmovement pic.twitter.com/6r58qO8EOh
— Md. Kamruzzaman (@mkbablu) October 17, 2024
چیف پروسیکیوٹر نے یہ اعلان بدھ کی صبح ٹربیونل کے دورے کے دوران کیا، اس موقع پر صنعت کے مشیر عادل الرحمان خان اور مشیر قانون آصف نذر بھی ان کے ہمراہ تھے۔
چیف پروسیکیوٹر کے مطابق قتل عام میں ملوث افراد کے خلاف قانونی کارروائی تیزی سے آگے بڑھ رہی ہے، اور اس حوالہ سے ٹریبونل کا کام موثر انداز میں آگے بڑھ رہا ہے۔
مزید پڑھیں:حسینہ واجد نے استعفیٰ نہیں، انتخابات کا اعلان ہوتے ہی بنگلہ دیش لوٹ آئیں گی، سجیب واجد
واضح رہے کہ انٹرنیشنل کرائمز ٹربیونل نے جولائی اور اگست کے درمیان بنگلہ دیش میں رونما ہونیوالے نسل کشی اور انسانیت کے خلاف جرائم کے کیس کے سلسلے میں شیخ حسینہ، عبید القادر اور 46 دیگر کے وارنٹ گرفتاری 17 اکتوبر کو جاری کیے تھے۔
