جوڈیشل مجسٹریٹ جنوبی کراچی کی عدالت میں کاروباری شخصیت کولا نیکسٹ کے مالک ذوالفقار احمد کے اغوا کےکیس کی سماعت کے دوران عدالت نے مقدمہ اے کلاس کرنے کی رپورٹ منظور کرتے ہوئے کیس کے تفتیشی افسر کو ملزمان کی گرفتاری کے لیے کوشش جاری رکھنے کا حکم دے دیا۔
یہ بھی پڑھیں: کولا نیکسٹ کے مالک کا کراچی میں اغوا، اہل خانہ کا عدالت سے رجوع
عدالت نے تفتیشی افسر کو ہدایت کی ہے کہ مغوی ذوالفقاراحمد کو عدالت میں پیش کیا جائے اور کیس کے تفتیشی افسر ہر 15 دن میں پیشرفت رپورٹ عدالت میں جمع کروائیں۔
پولیس کی جانب سے عدالت میں جمع کرائی گئی رپورٹ میں کہا گیا ہے کہ ملزمان کوگرفتارکرنےکی کوشش کی گئی مگرتاحال کامیابی نہیں ملی۔
مدعی مقدمہ نے بتایا ہے کہ مغوی واپس آچکے ہیں مگرابھی ملک سے باہرہیں۔ مغوی کے دوست قیصر کا بھی کچھ پتا نہیں چل سکا ہے۔
مزید پڑھیے: کراچی سے اغوا ہونے والے کولا نیکسٹ کے مالک ذوالفقار احمد گھر پہنچ گئے
پولیس رپورٹ کے مطابق مغوی کی ٹریول ہسٹری حاصل کی جا چکی ہے جس کے مطابق مغوی ملک سے باہر ہیں۔
ذوالفقار احمد کو 26 جولائی کو ماڑی پور روڈ سے اغوا کیا گیا تھا جس کا مقدمہ کلری تھانے میں درج کیا گیا تھا۔
