کراچی سے کچھ روز قبل اغوا ہونے والے میزان گروپ اور کولا نیکسٹ کے مالک ذوالفقار احمد گھر پہنچ گئے۔
پولیس نے تصدیق کی ہے کہ ذوالفقار احمد کی فیملی سے رابطہ ہوا ہے اور ان کی بازیابی ہوگئی ہے۔
یہ بھی پڑھیں کولا نیکسٹ کے مالک کے بعد پنجاب سے 2 سینیئر ملازمین بھی اغوا
قبل ازیں ان کے وکیل نے نجی ٹی وی سے گفتگو کرتے ہوئے کہا تھا کہ ذوالفقار احمد کا اپنی فیملی سے رابطہ ہوگیا ہے اور وہ جلد اپنے گھر پہنچ جائیں گے۔
واضح رہے کہ 23 جولائی کو کراچی سے اغوا ہونے والے کولا نیکسٹ کے مالک ذوالفقار احمد کے لاپتا ہونے کا مقدمہ کیا گیا تھا۔ اور ان کے اہلخانہ نے ہائیکورٹ سے بھی رجوع کیا تھا۔
یہ بھی پڑھیں کولا نیکسٹ کے مالک کا کراچی میں اغوا، اہل خانہ کا عدالت سے رجوع
یہ بھی واضح رہے کہ گزشتہ روز کولا نیکسٹ کمپنی کے ڈپٹی مینیجر فنانس حسن نواز اور جنرل مینیجر دانیال خان کو بھی پنجاب سے اغوا کیا گیا تھا جن کا اب تک کوئی سراغ نہیں مل سکا۔
