فیڈرل بورڈ آف ریونیو (ایف بی آر) کی ٹیم کو کراچی میں شادی ہال کے عملے نے یرغمال بنالیا۔
میڈیا رپورٹس کے مطابق، اسسٹنٹ کمشنر ایف بی آر محمد حمزہ نے بتایا کہ کراچی کے علاقے ڈالمیا روڈ پر قائم شادی ہال اپنی آمدنی کم ظاہر کررہا تھا جس کی بنیاد پر مذکورہ شادی ہال پر چھاپہ مارا گیا۔
یہ بھی پڑھیں: ایف بی آر نے کراچی میں نئے پراپرٹی ریٹ مقرر کردیے
محمد حمزہ نے بتایا کہ جب ایف بی آر کی ٹیم وہاں پہنچی تو شادی ہال کے عملے نے پوری ٹیم کو یرغمال بنالیا، اطلاع ملتے ہی وہ بھی فوری طور پر وہاں پہنچے اور شادی ہال کے عملے سے بات چیت کی جس کے بعد ابتدائی طور پر کچھ افراد کو چھوڑ دیا گیا۔
انہوں نے بتایا کہ واقعہ سے متعلق پولیس حکام کو بھی آگاہ کیا گیا لیکن شادی ہال کے عملے نے پولیس کی بھی پرواہ نہ کی اور آخرکار کئی گھنٹے کے مذاکرات کے بعد ایف بی آر ٹیم میں شامل تمام افسران و ملازمین کو شادی ہال سے چھڑالیا گیا۔
یہ بھی پڑھیں: ’ہمارے ٹیبل سے کرسی کیوں لی؟‘ کراچی ریسٹورنٹ میں 2 خاندانوں کے درمیان جھگڑا
اسسٹنٹ کمشنر ایف بی آر کا ہے کہ ایف بی آر اور شادی ہال انتظامیہ کے درمیان غلط فہمی پیدا ہوگئی تھی اور اب شادی ہال کے عملے کو ایف بی آر کے دفتر طلب کرلیا گیا ہے۔
