عوامی مسلم لیگ کے سربراہ شیخ رشید نے کہا ہے کہ سپریم کورٹ کے حکم کے باوجود الیکشن کمیشن کو 21 ارب نہیں ملے، عدالت عظمیٰ کے فیصلے کی نفی کر دی گئی۔
سماجی رابطے کی ویب سائٹ ٹویٹر پر عوامی مسلم لیگ کے سربراہ شیخ رشید نے کہا کہ ’’سارے ہتھکنڈے چوروں کے ٹولے کوعوام پر مسلط رکھنے کے لیے اختیار کیے جا رہے ہیں اور عوام کی امنگوں کو کچلا جا رہا ہے۔ الیکشن روکنے اور سپریم کورٹ کے فیصلے سے بھاگنے کے لیے10 روز میں کابینہ کے ریکارڈ 10 اجلاس ہوئے ہیں‘‘۔
شیخ رشید نے کہا کہ ’’جو آئین کے ساتھ آنکھ مچولی کھیلے گا اس کا انجام برا ہو گا۔ قومی اسمبلی کوڈیبیٹنگ کلب بنا دیا گیا ہے جہاں عوام کی خواہشوں اور ان کے ووٹ کے حق کا خون ہو رہا ہے۔‘‘
انہوں نے کہا کہ ’’ عوام ووٹ کے ذریعے اپنے مسائل کا حل چاہتے ہیں۔ اگر آئین اور قانون کو نہ تھاما گیا تو یہ نہ ہو سب ہاتھ ملتے رہ جائیں۔ آج انشاءاللہ اپنے وطن واپس آ جاؤں گا‘‘۔
جو آئین کےساتھ آنکھ مچولی کھیلے گا اس کا انجام براہوگا۔ قومی اسمبلی کوڈبیٹنگ کلب بنادیا گیاہےجہاں عوام کی خواہشوں اورانکےووٹ کےحق کاخون ہورہاہے۔عوام ووٹ کےذریعےاپنےمسائل کاحل چاہتےہیں۔اگرآئین اورقانون کو نہ تھاما گیا تو یہ نہ ہوسب ہاتھ ملتےرہ جائیں۔آج انشاءاللہ اپنےوطن واپس آجاؤں گا
— Sheikh Rashid Ahmed (@ShkhRasheed) April 11, 2023
