پاکستان بلائنڈ کرکٹ کونسل (پی بی سی سی ) نے چوتھے ٹی 20 بلائنڈ کرکٹ ورلڈ کپ کے لیے 16 رکنی قومی ٹیم کا اعلان کر دیا۔
یہ بھی پڑھیں: ورلڈ بلائنڈ کرکٹ گیمز: فائنل میں بھارت کو شکست، پاکستان نےگولڈ میڈل جیت لیا
سرکاری خبر رساں ادارے اے پی پی کے مطابق پاکستان بلائنڈ کرکٹ کونسل کے چیئرمین سید سلطان شاہ کی منظوری سے 16 رکنی ٹیم کا اعلان کر دیا گیا ہے جس میں بی 1 کیٹگری کے 6 بی 2 کے 6 اور بی 3 کیٹگری میں 4 کھلاڑیوں کو شامل کیا گیا ہے۔
بی 1 کھلاڑیوں میں ظفر اقبال محمد ادریس سلیم،محمد شاہ زیب،فخر عباس، محمد آصف اور محمد سلیمان، بی 2 کیٹگریز میں نثار علی کپتان، بدر منیر، بابر علی، نعمت اللہ ہارون خان اور محمد صفدر جبکہ بی 3 کیٹیگری میں کامران اختر، اکمل حیات ناصر، طلحہ اقبال اور مطیع اللہ شامل ہے۔ورلڈ کپ کے لیے پی بی سی سی نے 3 ریزرو کھلاڑیوں کو بھی شامل کیا گیا ہے جس میں بی ون کیٹگری میں محمد ایاز، بی 2 میں معین اسلم جبکہ بی 3کے محمد راشد شامل ہے۔
مزید پڑھیے: بلائنڈ ٹی20 ورلڈ کپ: بھارت کا اپنی ٹیم پاکستان بھیجنے کا اعلان
اسی طرح ورلڈ کپ میں 5 آفیشلز بھی قومی ٹیم کے ہمراہ ہوں گے جن میں محمد جمیل ہیڈ کوچ ،مسعود جان کوچ، طاہر محمود بٹ ٹرینر، ملک ابرار حسین ٹیم منیجر اور نوید حسین عباسی اسسٹنٹ ٹیم منیجر شامل ہیں۔
ورلڈ ٹی 20 بلائنڈ کرکٹ کپ 21 نومبر سے 3 دسمبر تک لاہور میں کھیلا جائے گا۔
