متعدد ذرائع ابلاغ کی رپورٹس میں یہ دعویٰ کیا جارہا تھا کہ ایران کے سپریم لیڈر آیت اللہ خامنہ ای کوما میں ہیں تاہم اب اس حوالے سے اہم معلومات سامنے آئی ہیں۔
سوشل میڈیا پلیٹ فارم ایکس پر ایرانی سپریم لیڈر کے اکاؤنٹ خامنہ ای، آئی آر پر شیئر کی گئی پوسٹ میں ایرانی سپریم لیڈر آیت اللہ خامنہ ای کی لبنان میں سابق ایرانی سفیر سے ملاقات کی تصویر دکھائی گئی ہے۔
یہ بھی پڑھیں: آیت اللہ خامنہ ای دوبارہ منظر عام پر آگئے، امریکا و یورپ پر ’شرانگیزی‘کم کرنے پر زور
شیئر کی گئی تصویر کے کیپشن میں لکھا گیا ہے کہ رہبر معظم انقلابِ اسلامی حضرت آیت اللہ العظمی خامنہ ای نے آج دوپہر کو لبنان میں اسلامی جمہوریہ ایران کے سابق سفیر جناب مجتبیٰ امانی سے ملاقات اور گفتگو کی۔
ظهر امروز یکشنبه ۲۷ آبان ۱۴۰۳؛ دیدار و گفتوگو با آقای مجتبی امانی، سفیر جانباز جمهوری اسلامی ایران در لبنان pic.twitter.com/ctIRbi9bVA
— KHAMENEI.IR | فارسی 🇮🇷 (@Khamenei_fa) November 17, 2024
یہ ملاقات متعدد ذرائع ابلاغ کی رپورٹس کے بعد سامنے آئی ہے کہ 85 سالہ رہنما کوما میں ہیں اور انہوں نے اپنے بیٹے مجتبی خامنہ ای کو اپنا جانشین منتخب کر لیا ہے، نیویارک ٹائمز نے بھی اکتوبر میں دعویٰ کیا تھا کہ خامنہ ای ’شدید بیمار‘ ہیں۔یہ تصویر سامنے آںے کے بعد یہ بات سامنے آگئی ہے کہ ان کی بیماری کے حوالے سے ذرائع ابلاغ کی خبریں بے بنیاد ہیں اور آیت اللہ خامنہ ہی بالکل تندرست ہیں۔
یاد رہے کہ کے ایران کے سابق سفیر مجتبیٰ امانی حال ہی میں لبنان میں گزشتہ مہینوں میں ایک دھماکے میں زخمی ہوئے تھے جس میں کم از کم 39 افراد ہلاک اور 3 ہزار کے قریب زخمی ہوئے تھے، دھماکے ایران کے حمایت یافتہ حزب اللہ گروپ کے زیر استعمال آلات پھٹنے سے ہوئے تھے۔
یہ بھی پڑھیں:مسلم اُمہ متحد ہو کر لبنان کے عوام اور حزب اللہ کا ساتھ دے، آیت اللہ خامنہ ای
یہاں یہ بات بھی قابل ذکر ہے کہ سپریم لیڈر آیت اللہ علی خامنہ ای نے 5 سال میں پہلا خطبہ گزشتہ ماہ ( 5اکتوبر) دیا تھا، یہ خطبہ انہوں نے اس کے بعد دیا جب ایران نے اسرائیل پر 180 میزائل داغے تھے۔
تہران کی ایک مسجد میں ایک بڑے ہجوم سے خطاب کرتے ہوئے خامنہ ای نے میزائل حملوں کو ‘عوامی خدمت’ قرار دیا تھا، انہوں نے اسرائیل کے خلاف فلسطینی اور لبنانی تحریکوں کی حمایت کا اظہار بھی کیا۔
خامنہ ای نے اپنے خطاب کے دوران بندوق پکڑ کر اپنا یقین ظاہر کیا کہ اسرائیل، حماس یا حزب اللہ پر قابو نہیں پا سکےگا، انہوں نے کہا کہ اسرائیل زیادہ دیر جنگ نہیں لڑسکے گا۔
